އާ އަހަރާ ދިމާކޮށް ފަސް ދުވަހަށް ބީއެމްއެލް ބަންދު

އިސްމާއިލް ރިޒާ

25 ޑިސެމްބަރ 2024 - 12:45

0 comments

އާ އަހަރާ ދިމާކޮށް ބޭންކް އޮފް މޯލްޑިވްސް (ބީއެމްއެލް) ފަސް ދުވަހަށް ބަންދުކުރަން ނިންމައިފި އެވެ.

ބެންކް އޮފް މޯލްޑިވްސް (ބީއެމްއެލް) އިން ނެރުނު ބަޔާނެއްގައި ބުނީ ޑިސެމްބަރު 30 ވަނަ ދުވަހުން ފެށިގެން ޖެނުއަރީ 5، 2025 އާ ހަމައަށް އެ ބޭންކުގެ މައި އޮފީހާއި، ސާވިސް ސެންޓަރުތަކާއި ބްރާންޗުތައް ބަންދުވާނެ ކަމަށެވެ.

އަދި މި ފަސް ދުވަހު އޮފީސްތައް ބަންދުވި ނަމަވެސް، އޭޓީއެމްތަކާއި އިންޓަނެޓު ބޭންކިން އަދި ކޯލް ސެންޓަރު މެދުވެރިކޮށް ކަސްޓަމަރުންނަށް ޚިދުމަތް ލިބޭނެ ކަމަށް ބީއެމްއެލް އިން ވަނީ ބުނެފައެވެ.

ކޮންމެ އަހަރަކުވެސް އާ އަހަރާ ދިމާކޮށް ބޭންކުން މި ބަންދު ނަގަ އެވެ. ނަމަވެސް އަހަރު މެދުތެރެއިން އަންނަ ބަންދުތަކުގައި ބްރާންޗުތައް ބަންދު ކުރަނީ ވަރަށް މަދުންނެވެ.