މޯލްޑިވިއަންގެ އެއާ ޝޯއާއެކު ފޮޓޯ އަދި ވީޑިއޯ މުބާރާތެއް

ހަސަން ހަލީމް

02 ޖެނުއަރީ 2025 - 12:45

0 comments

މޯލްޑިވިއަންގެ ބޮޑު ބޯޓު ގެނައުން ފާހަގަކުރުމަށް ބާއްވާ ހަރާކާތުގައި އަގުހުރި އިނާމުތަކާއެކު ފޮޓޯ އަދި ވީޑިއޯގްރަފީ މުބާރާތަކާއި ގިނަ އިނާމުތައް ހިމެނޭ ލަކީޑްރޯއެއް އޮންނާނެކަމަށް މޯލްޑިވިއަނުން ވބުނެފި އެވެ.

މި އެއާ ޝޯ އޮންނާނީ އަންނަ ހޯމަ ދުވަހުގެ ހަވީރު 5:00-5:30 އަށް މާލޭގެ އުސްފަސްގަނޑުގެ އިތުރުން ހުޅުމާލެ 1 އަދި 2ގެ އިރުމަތީ ފަރާތު އަތިރިމަތިން ފެންނަ ގޮތަށެވެ.

މި މުބާރާތުގައި ދެ ކެޓަގަރީ އިން 1 ވަނަ، 2 ވަނަ އަދި 3 ވަނަ ހޮވުމަށް ވަނީ ހަމަޖެހިފަ އެވެ. 1 ވަނަ އިނާމެއްގެ ގޮތުގައި ރާއްޖޭގެ 5 ތަރީގެ ރިސޯޓެއްގައި 2 ރޭ ހޭދަކުރުމުގެ ފުރުޞަތު ދެ މީހަކަށް ދިނުން ހިމެނެއެވެ. 2 ވަނަ އިނާމެއްގެ ގޮތުގައި އިންޑިއާ ދެކޮޅު ޓިކެޓު ދެމީހަކަށް އަދި 3 ވަނަ އިނާމެއްގެ ގޮތުގައި ރާއްޖޭގެ މަންޒިލަކަށް ދެ މީހަކަށް ދެކޮޅު ޓިކެޓު ދިނުން ހިމެނެއެވެ.

މީގެ އިތުރުން މުބާރާތުން ވަނަތައް ހޯދާ މީހުންނަށް އެއާބަސް އޭ330-200 މަރުކާގެ ފްލައިޓެއްގެ މޮޑެލް ލިބޭނެ ކަމަށް މޯލްޑިވިއަން އިން ވަނީ ބުނެފަ އެވެ.

މުބާރާތުގެ ފޮޓޯ އާއި ވީޑިއޯ މިމަހުގެ ނުވަ ވަނަ ދުވަހުގެ މެންދުރު 2:00 ގެ ކުރިން ސޯޝަލް މީޑިއާގައި ޕޯސްޓް ކުރަންޖެހެ

އެއާ ޝޯގެ ފޮޓޯ އާއި ވީޑިއޯ ޕޯސްޓްކުރާއިރު މޯލްޑިވިއަން ޓެގްކޮށް #މޯލްޑިވިއަންއޭރޯއެއާޝޯ ހޭޝްޓެގް ބޭނުންކުރަންޖެހެ އެވެ. އަދި ފޮޓޯ އާއި ވީޑިއޯ ޕޯސްޓްކުރާ ޕްރޮފައިލް އަކީ ޕަބްލިކް ޕްރޮފައިލް އަކަށް ވާންޖެހޭނެ ކަމަށްވެސް މޯލްޑިވިއަން އިން ބުނެފައިވެ އެވެ.