ގއ. ނިލަންދޫ ފަރަށް އެރި އެފްއެސްއެމްގެ ތެޔޮ ބޯޓު ފުންކޮށްފި

މަރިޔަމް އަނާ

07 ޖެނުއަރީ 2025 - 11:15

0 comments

އެފްއެސްއެމްގެ ތެޔޮ ބޯޓެއް ނިލަންދޫ ފަރަށް އަރާފައި--ފޮޓޯ: ނިލަންދޫ ކައުންސިލް

ގއ. ނިލަންދޫ ފަރަށް އެރި އެފްއެސްއެމްގެ ތެޔޮ ބޯޓު ފުންކޮށްފި އެވެ.

ގއ. އަދި ގދ. އަތޮޅުގެ ރަށްތަކަށް ތެޔޮ ފޯރުކޮށްދިނުމަށް ހަރަކާތްތެރިވަމުން އަންނަ އެ ބޯޓު ނިލަންދޫ ހުޅަނގު އުތުރު ފަރާތު ފަރަށް އެރީ މިދިޔަ އާދިއްތަ ދުވަހު އެވެ.

ނިލަންދޫ ކައުންސިލުން ބުނީ ބޯޓު ފުންވިފަހުން އެ ސަރަހައްދު ބެލިއިރު ފަރަށް ވަރަށް ބޮޑަށް ފަރަށް ގެއްލުންވެފައިވާ ކަމަށެވެ. އަދި އެކަމާއި ގުޅިގެން އެންވަޔަރުމެންޓް ޕްރޮޓެކްޝަން އެޖަންސީ (އީޕީއޭ) އާ އެކު މަޝްވަރާ ކުރަމުން އަންނަ ކަމަށެވެ.

އެކަމާ ގުޅޭގޮތުން އެފްއެސްއެމްގެ ބަހެއް އަދި ނުލިބެ އެވެ.

ބޯޓުތައް ފަރަށް އަރައިގެން ލިބޭ ގެއްލުންތަކުގައި ބޮޑެތި އަދަދުތަކުން އެ އުޅަނދުތައް އީޕީއޭ އިން ޖޫރިމަނާ ކުރެ އެވެ.