100ރ. ގެ އާ ނޫޓް ތައާރަފު ކުރަނީ

އިސްމާއިލް ރިޒާ

13 ޖެނުއަރީ 2025 - 23:25

0 comments

19 ޖެނުއަރީގައި ދައުރުކުރަން ފަށާ 100 ރުފިޔާގެ އާ ނޫޓުތައް - ފޮޓޯ: އެމްއެމްއޭ

މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން "ރަން ދިހަ ފަހެއް" ނޫޓު ސީރިސްގައި ހިމެނޭ 100ރ. ގެ ނޫޓު، ސްޓޮކް މަދުވުމުން އަލުން ޗާޕްކޮށްފި އެވެ.

އެމްއެމްއޭ އިން ބުނީ، ދައުރުވާ ފައިސާގެ ސްޓޮކަށް މިމަހުގެ 19 ގައި އެ ފައިސާ ނެރޭނެ ކަމަށެވެ. މިއީ އާންމު އުސޫލުން އެމްއެމްއޭ އިން ދައުރުވާ ނޫޓު މަދުވުމުން ކުރަމުން އަންނަ ކަމެކެވެ. އެންމެ ފަހުން ސްޓޮކް މަދުވެގެން 100ރ. ގެ ނޫޓު ބާޒާރަށް ނެރުނީ ސެޕްޓެމްބަރު 2018، ގަ އެވެ.

އެމްއެމްއޭ އިން ބުނީ މި ނޫޓުގައި ސޮއިކުރައްވާފައިވަނީ ކުރީގެ ގަވަރުނަރު އަލީ ހާޝިމް ކަމަށެވެ. އަދި މި ނޫޓުގައި ތާރީހެއްގެ ގޮތުގައި ޖަހާފައިވަނީ ޖުލައި 7، 2024 އެވެ.

ރާއްޖޭގައި މިހާރު ބޭނުންކުރަނީ މިނިވަންކަމަށް 50 އަހަރު ފުރުމާ ދިމާކޮށް 2016-2017ގައި ސަރުކާރުން ތައާރަފްކުރި "ރަން ދިހަ ފަހެއް" ސީރީޒްގެ ނޫޓުތަކެވެ.

އެ ސީރީޒްގައި ހިމެނެނީ 5، 10، 20، 50، 100، 500 އަދި 1،000 ރުފިޔާގެ ނޫޓުތަކެވެ. އެއިން ކޮންމެ ނޫޓަކުން ވެސް ރާއްޖޭގެ ގުދުރަތީ ރީތިކަމާއި ކަނޑުފަޅުގެ މުއްސަނދިކަމާއި ތާރީހާއި ސަގާފަތް ފެނެ އެވެ.