ހީނާމާގޭ ޕާކިން ސަރަހައްދުން 17 ބިދޭސީން ބަންދުކޮށްފި

އަލީ ރާޒީ

14 ޖެނުއަރީ 2025 - 11:22

0 comments

މާލޭގެ ހީނާމާގެ ޕާކިން ސަރަހައްދުގައި ގަވައިދާ ހިލާފަށް އުޅެމުން ދިޔަ 17 ބިދޭސީއަކު މޯލްޑިވްސް އިމިގްރޭޝަންގެ ބެލުމުގެ ދަށަށް ގެންގޮސްފި އެވެ.

އިމިގްރޭޝަނުން ބުނީ ހީނާމާގޭ ޕާކިން ސަރަހައްދަކީ ބިދޭސިންގެ ބޮޑު ކޮންޓްރޯލެއް އޮންނަ ސަރަހައްދެއް ކަމަށް ބުނެ އާންމުންގެ ކަންބޮޑުވުން އަބަދުވެސް ލިބޭ ކަމަށެވެ.

އެ ސަރަހައްދުގައި އިއްޔެ ކުރިއަށް ގެންދިޔަ ހާއްސަ އޮޕަރޭޝަނެއްގައި، އެ ސަރަހައްދަށް އެއްވެ އުޅޭ ބިދޭސީންނާއި ބިދޭސީން އިސްވެ ތިބެ ހިންގާ ފިހާރަތަކާއި ކެފޭތައް ބަލައި ފާސްކޮށްފައިވެ އެވެ.

އެ ތަންތަން ބަލައި ފާސްކޮށް، ސައްހަ ވިސާއެއް ނެތި ގަވައިދާ ހިލާފަށް މަސައްކަތްކުރަމުންދިޔަ 17 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފައިވާ ކަމަށް އެ ތަނުން ބުންޏެވެ.

ރައީސް ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގެންނެވި ފަހުން މިހާތަނަށް ވަނީ 5،300 އަށް ވުރެ ގިނަ ބިދޭސީން ޑީޕޯޓްކޮށްފަ އެވެ.