ރާއްޖޭގައި ހަށިވިއްކާ ވިއެޓްނާމްގެ ނެޓްވޯކެއް އަތުލައިގެންފި

އަހުމަދު ނިހާން

28 ޖެނުއަރީ 2025 - 13:01

0 comments

ރާއްޖޭގައި ހަށިވިއްކުމުގެ ވިޔަފާރި ކުރަމުން ދިޔަ ވިއެޓްނާމްގެ ނެޓްވޯކެއް އަތުލައިގެންފި އެވެ.

މިއީ ވިއެޓްނާމަށް ނިސްބަތްވާ ބިދޭސީންގެ ނެޓްވޯކެކެވެ.

މިކަމާ ގުޅިގެން އިމިގްރޭޝަނުން ބުނީ، މިއީ ފުޅާ ދާއިރާއެެއްގައި ރާއްޖޭގައި ހަށި ވިއްކުމުގެ ވިޔަފާރި ކުރާ ކަމަށް ތުހުމަތުކުރޭ ބިދޭސީން ހޯދުމަށް ފުލުހުންނާ ގުޅިގެން ހިންގާ ޚާއްސަ އޮޕަރޭޝަންތަކެއްގެ ތެރެއިން އަތުލައިގެން ބިދޭސީން ކަމަށެވެ. މި އޮޕަރޭޝަންގެ ތެރެއިން އަތުލައިގެންފައި ވަނީ، ހަތަރު އަންހެނުންނާއި އެޖެންޓަކަށް މަސައްކަތް ކުރި ފިރިހެނެކެވެ.

އެގޮތުން، އެޖެންޓާއި އޭގެތެރެއިން ތިން އަންހެނުންނަކީ ވޯކް ވިސާގައި ރާއްޖޭގައި އުޅެމުން ދިޔަ ބައެއްކަން ފާހަގަކޮށް އިމިގްރޭޝަނުން ވަނީ މި މައްސަލަތައް ތަހުގީގު ކުރުމަށް ފަހު އެއް އަންހެނަކު ޑީޕޯޓުކޮށްފައިވާ ކަމަށް ބުނެފައެވެ. އަދި، ބާކީ ހަތަރު މީހުން ޑީޕޯޓުކުރުމުގެ މަސައްކަތް މިހާރު ކުރަމުން އަންނަ ކަމަށް އިމިގްރޭޝަނުން ވަނީ ބުނެފައެވެ.

އިމިގްރޭޝަނުން ކުރިއަށް ގެންދާ އޮޕަރޭޝަންގެ ތެރެއިން، މި މަހުގެ ކުރީކޮޅު ވެސް ހަށިވިއްކުމުގެ ވިޔަފާރި ކުރަމުން ދިޔަ ވިއެޓްނާމްގެ ދެ އަންހެނަކު އަތުލައިގަނެ، ޑީޕޯޓުކޮށްފައިވެ އެވެ.