ލަންކާއާއި ރާއްޖެއާ ދެމެދު އޮތީ ހާއްސަ ގުޅުމެއް: ރައީސް

މަރިޔަމް އަނާ

04 ފެބުރުއަރީ 2025 - 10:39

0 comments

ރާއްޖެ އާއި ސްރީ ލަންކާއާ ދެމެދު އޮތީ އިތުބާރުގެ މައްޗަށް ބިނާވެފައިވާ ވަރުގަދަ ގުޅުމެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްްޖެ އެވެ.

ލަންކާގެ މިނިވަން ދުވަހުގެ ތަހުނިޔާ ފޮނުއްވައި އެކްސްގައި ކުރެއްވި ޕޯސްޓެއްގައި ރައީސް މުއިއްޒު ވިދާޅުވީ ދެ ގައުމުގެ ދެމެދު އޮތީ އެއްގޮތް ސިޔާސަތުތަކަކާއި އިތުބާރުގެ މައްޗަށް ބިނާވެފައި އޮތް ވަރުގަދަ ގުޅުމެއް ކަމަށެވެ.

ރައީސް މުއިއްޒު ކުރެއްވި ޕޯސްޓްގައި ވަނީ ދެ ގައުމުގެ ގުޅުން އިތުރަށް ބަދަހިވެގެންދާނެ ކަމަށް ޔަގީންކުރައްވާ ކަމަށްވެސް ވިދާޅުވެފަ އެވެ.

"ރާއްޖެ އާއި ލަންކާއާ ދެމެދު އޮތް އަވައްޓެރިކަމާއި ޒަމާންވީ އެކުވެރިކަމުގެ ސަބަބުން އުފެދިފައިވާ ގުޅުން މިހާރަށްވުރެ އިތުރުވެގެން ދާނެ ކަމަށް އަޅުގަނޑަށް ޔަގީން،". ރައީސް ވިދާޅުވެފައެވެ.

ރަައީސް ވަނީ ލަންކާގެ ރައްޔިތުންނަށް އަމާންކަމާއި ކުރިއެރިމާއު، ކާމިޔާބަށްވެސް އެދިވަޑައިގެންފައެވެ.