ރާއްޖެއަށް މި އަހަރު ޒިޔާރަތްކުރި ފަތުރުވެރިންގެ އަދަދު 334،000 އަށް އަރައިފި

އަހުމަދު ނިހާން

16 ފެބުރުއަރީ 2025 - 12:32

0 comments

ރާއްޖެއަށް މި އަހަރު ޒިޔާރަތްކުރި ފަތުރުވެރިންގެ އަދަދު 334،000 އަށް އަރައިފި އެވެ.

މިދިޔަ ހަފްތާތެރޭ ރާއްޖެއަށް 54،000 އަށް ވުރެ ގިނަ ފަތުރުވެރިން ޒިޔާރަތްކޮށްފައިވާކަމަށް ތަފާސްހިސާބުތަކުން ދައްކައެވެ. މިދިޔަ ހަފްތާތެރޭ އެންމެ ގިނަ އަދަދަކަށް ރާއްޖެއަށް އައިސްފައިވަނީ އިނގިރޭސި ފަތުރުވެރިންވެރިންނެވެ.

ފަތުރުވެރިކަމާބެހޭ ތަފާސްހިސާބުތައް ދައްކާގޮތުން މިދިޔަ ހަފްތާތެރޭ ރާއްޖެއަށް އައިސްފައިވަނީ ޖުމްލަ 54،783 ފަތުރުވެރިންނެވެ. މިއީ އޭގެ ކުރީ ހަފްތާގައި ރާއްޖެއަށް އައިސްފައިވާ 55،558 ފަތުރުވެރިންނާ އަޅާ ބަލާއިރު %1 ދަށް އަދަދެކެވެ.

މިދިޔަ ހަފްތާތެރޭ އެންމެ ގިނައިން ފަތުރުވެރިން ރާއްޖެއަށް އައިސްފައިވަނީ އިނގިރޭސިވިލާތުންނެވެ. އެގޮތުން އެޤައުމުން ރާއްޖެއަށް ހަފްތާއެއް ތެރޭ ވަނީ 6،402 ފަތުރުވެރިން އައިސްފައެވެ.

ފަތުރުވެރިކަމުގެ ގަދަ 10 ގައުމު

ޗައިނާ - 53،222 ފަތުރުވެރިން
ރަޝިއާ - 28،465 ފަތުރުވެރިން
އިނގިރޭސިވިލާތް - 31،925 ފަތުރުވެރިން
އިޓަލީ - 30،159 ފަތުރުވެރިން
ޖަރުމަނު - 19،751 ފަތުރުވެރިން
އިންޑިއާ - 15،714 ފަތުރުވެރިން
ފްރާންސް - 10،844 ފަތުރުވެރިން
އެމެރިކާ - 10،183 ފަތުރުވެރިން
ޕޮލެންޑް - 7،487 ފަތުރުވެރިން
ސްވިޓްޒަލޭންޑް - 6،493 ފަތުރުވެރިން

ރާއްޖެ ޒިޔާރަތްކުރި ފަތުރުވެރިންގެ ތެރެއިން 69.4 ޕަސެންޓް -- 232،390 ފަތުރުވެރިން ޗުއްޓީ ހޭދަކުރީ ރިސޯޓްތަކުގަ އެވެ. ގެސްޓްހައުސްތަކުގައި ޗުއްޓީ ހޭދަކުރީ 25.5 ޕަސެންޓް -- 85،288 ފަތުރުވެރިންނެވެ.

ރާއްޖޭގައި މިވަގުތު ފަތުރުވެރިކަމަށް 172 ރިސޯޓާއި 796 ގެސްޓްހައުސް އާއި 155 ސަފާރީ އުޅަނދު އަދި 15 ހޮޓާ ދަނީ ހިންގަމުންނެވެ.

މިދިޔަ އަހަރު ރާއްޖެއަށް ވަނީ 2 މިލިޔަން ފަތުރުވެރިން ޒިޔާރަތްކޮށްފައެވެ. ސަރުކާރުން މިއަހަރަށް އަމާޒު ހިފާފައިވަނީ 2.2 މިލިޔަން ފަތުރުވެރިން ގެނައުމަށެވެ.