އުނގޫފާރުގައި އައިކެއާގެ އާ އައުޓްލެޓެއް ހުޅުވައިފި

އަލީ ރާޒީ

16 ފެބުރުއަރީ 2025 - 19:35

0 comments

އައިކެއާގެ އައުޓްލެޓެއް ރ. އުނގޫފާރުގައި ހުޅުވައިފި އެވެ.

މި އައުޓްލެޓް ހުޅުވީ އިއްޔެ އެ ރަށުގައި ބޭއްވި ކުޑަ ރަސްމިއްޔާތެއްގަ އެވެ.

އައިކެއާއިން އުނގޫފާރުގައި ހުޅުވި އައުޓްލެޓުން ފުރިހަމައަށް އޮޕްޓިކަލް ހިދުމަތްތަކާއި ފުޅާ ރޭންޖެއްގެ ސްޓައިލިޝް އައިނުތައް ލިބޭނެ އެވެ. އަދި އެތަނުން ދުނިޔޭގެ ނަން މަޝްހޫރު ބްރޭންޑްތަކުގެ ނަންބަރު އައިނާއި އަވިއައިނު އަދި ފްރޭމްތަކާއި ފެންވަރު ރަނގަޅު ކޮންޓެކްޓް ލެންސް އަދި ކަސްޓަމައިޒްޑް އޮޕްޓިކަލް ސޮލިއުޝަންސް ވެސް ލިބޭނެ އެވެ.

އުނގޫފާރުގައި އައުޓްލެޓް ހުޅުވީ ހާއްސަ ޕްރޮމޯޝަނަކާއެކު އެވެ. އެ ޕްރޮމޯޝަނުގައި ފިހާރަ ހުޅުވުމާ ގުޅިގެން އަވި އައިނާއި ނަންބަރު އައިނުން 30 ޕަސެންޓުގެ ޑިސްކައުންޓް މި މަހުގެ ނިޔަލަށް ލިބޭނެ އެވެ.

އައިކެއާ އާއި އުނގޫފާރުގެ ކައުންސިލާއި ގުޅިގެން ލޯ ސްކްރީން ކުރުމުގެ ޕްރޮގްރާމެއް ވެސް މިއަދު ވަނީ ފަށައިފަ އެވެ. އެ ޕްރޮގުރާމް ކުރިއަށް ދާނީ އަންނަ ހޮނިހިރު ދުވަހުގެ ނިޔަލަށެވެ.

އައިކެއާގެ އަމާޒަކީ އެ ސަރަހައްދުގައި އޮޕްޓިކަލް ކެއާގެ އާ މިންގަނޑުތަކެއް ކަނޑައަޅައި، އާންމުންގެ ސިއްހަތާއި ދުޅަހެޔޮކަމަށް ހައްލު ހޯދުމެވެ. އަދި އައިކެއާއިން ކުޅުދުއްފުށި ސިޓީއަށް ފުޅާކުރަން ނިންމި ނިންމުން ދައްކުވައިދެނީ ރާއްޖޭގެ އެކި ކަންކޮޅުތަކަށް ފެންވަރު ރަނގަޅު އޮޕްޓިކަލްގެ ހިދުމަތް ކަށަވަރު ކުރުމުގެ ފުޅާ ވިސްނުން ގެންގުޅޭ ކަމެވެ.