ރ. އަތޮޅު ކައުންސިލް އިދާރާއަށް ސިހުރު ހެދިކަމުގެ ތުހުމަތުގައި ދެ ފިރިހެނުން ހައްޔަރުކޮށްފި

މަރިޔަމް އަނާ

23 ފެބުރުއަރީ 2025 - 13:28

0 comments

ރ. އަތޮޅު ކައުންސިލް އިދާރާއަށް ސިހުރު ހެދި ކަމުގެ ތުހުމަތުގައި ހައްޔަރުކުރި ދެމީހުން ----

ރ. އުނގޫފާރޫގައި ހުންނަ އެ އަތޮޅު ކައުންސިލް އިދާރާއަށް ސިހުރު ހެދިކަމުގެ ތަހުމަތުގައި ކޯޓު އަމުރެއްގެ ދަށުން އެ ރަށު ދެ މީހަކު ހައްޔަރުކޮށްފި އެވެ.

މީޑިއާތަކަށް ފޮނުވި މެސެޖެއްގައި ފުލުހުން ބުނި ގޮތުގައި އެ ދެ ފިރިހެނުން ހައްޔަރުކުރީ ރ. އަތޮޅުގެ އަތޮޅު ކައުންސިލް އިދާރާއަށް ސިހުރާއި ފަންޑިތަ ހަދާކަމުގެ ތުހުމަތުގަ އެވެ.

މި މައްސަލައާ ގުޅިގެން ހައްޔަރުކުރީ ނަސީމީހިޔާ، ރ. އުނގޫފާރު، މުހައްމަދު ވަހީދު (67އ) އަދި ރިވެލި، ރ. އުނގޫފާރު، މުހައްމަދު އަމްޖަދު (61އ) އެެވެ. އެ ދެ މީހުން ވެސް ހައްޔަރުކުރީ ކޯޓު އަމުރެއްގެ ދަށުން ފެބްރުއަރީ 21، 2025 ގަ އެވެ.

އެ ދެ މީހުންގެ ބަންދަށް 15 ދުވަސް ކޯޓުން ވަނީ ޖަހައިދީފަ އެވެ.

މި މައްސަލަ ފުލުހުން ތަހުގީގު ކުރަމުން އަންނައިރު، ކުޅުދުއްފުށި ސިޓީގައި ފުލުހުން ކުރިއަށް ގެންދިޔަ އޮޕަރޭޝަނެއްގައި އަށް ގެޔެއް ބަލައިފާސްކޮށް، ސިހުރު ހަދަން ބޭނުންކުރާ ޒާތުގެ ތަކެތި މި ފަހުން ވަނީ އަތުލައިގެންފައެވެ.