ރަސްފަންނު އާންމުންނަށް ވަގުތީގޮތުން ހުޅުވާލައިފި

އަލީ ރާޒީ

06 މާޗް 2025 - 18:50

0 comments

މާލޭގެ ރަސްފަންނު މަރާމާތު ކުރުމުގެ މަސައްކަތުގެ ބޮޑު ބައެއް ނިންމުމަށް ފަހު ހައުސިން އެންޑް ކޮންސްޓްރަކްޝަން މިނިސްޓްރީން އެތަން ވަގުތީ ގޮތުން އާންމުންނަށް މި ހަފުތާގައި ހުޅުވާލައިފި އެވެ.

ރަސްފަންނު މަރާމާތުނުކޮށް ގިނަ ދުވަސްވުމުގެ ސަބަބުން އެތަން ވަނީ ވަރަށް ބޮޑަށް ހަލާކުވެ ވީރާނާވެފައެވެ. އެހެންކަމުން މި ރަމަޟާންމަހު އެތަން އާންމުންނަށް ބޭނުންކުރެވޭ ވަރު ކުރުމަށް ވަގުތީގޮތުން މަރާމާތުކުރުމުގެ މަސައްކަތް މިދިޔަމަހުގެ ފަހުކޮޅު ވަނީ ފަށާފަ އެވެ.

އޭގެ ފަހުން މަރާމާތުތަކާ އެކު، ރަސްފަންނު އަލުން ހުޅުވާލިއިރު، މެންދުރު ރައީސް ވަނީ އެތަން ބައްލަވައިލެއްވުމަށް ވަޑައިގެންފަ އެވެ. އެ މަނިކުފާނުގެ އަރިހުގައި ކޮންސްޓްރަކްޝަން މިނިސްޓަރު އަބްދުﷲ މުއްތަލިބާއި ލޯކަލް ގަވަމެންޓް މިނިސްޓަރު އާދަމް ޝަރީފް ވެސް ބައިވެރިވެވަޑައިގެންނެވި އެވެ.

ހައުސިން މިނިސްޓްރީން ބުނީ މި ހަފްތާއިން ފެށިގެން އާންމުންނަށް އެތަން ހުޅުވާލާފައިވާ ކަމަށެވެ. އަދި އެ ތަނުގެ އިތުރު މަރާމާތުގެ މަސައްކަތް ކުރިއަށް ގެންދިއުމަށް ނިންމާފައިވާ ކަމަށް ވެސް މިނިސްޓްރީން ބުންޏެވެ.