އޯއައިސީގެ ބައްދަލުވުމަކަށް ފޮރިން މިނިސްޓަރު ހަލީލް ސައުދީއަށް

އިސްމާއިލް ރިޒާ

06 މާޗް 2025 - 22:11

0 comments

އޯގަނައިޒޭޝަން ފޯ އިސްލާމިކް ކޯޕަރޭޝަން (އޯއައިސީ)ގެ ބައްދަލުވުމުއްގައި ބައިވެރިވެޑައިގަތުމަށް ފޮރިން މިނިސްޓަރު ޑރ. އަބްދުﷲ ހަލީލް ސައުދީގެ ޖިއްދާއަށް ފުރާވަޑައިގެންފި އެވެ.

ފޮރިން މިނިސްޓްރީން ބުނީ، އެ ބައްދަލުވުމަކީ ފަލަސްތީނުގެ ރައްޔިތުން އެ ގައުމުން ނެރުމަށް އިސްރާއިލުން ގޮވައިލައިފައިވާ ގޮވުންތަކާ ގުޅޭގޮތުން މަޝްވަރާކުރުމަށް ބާއްވާ އޯއައިސީގެ ބައްދަލުވުމެއް ކަމަށެވެ.

ފާހަގަކޮށްލެވޭ ގޮތުގައި، ބައިނަލްއަގުވާމީ މަތީ ފަންތީގެ އެކިއެކި ފޯރަމްތަކުގައި ރާއްޖެއިން ދަނީ ފަލަސްތީނުގެ ދިފާއުގައި ވަރަށް ބޮޑަށް ވަކާލާތު ކުރަމުންނެވެ.

އޮގަޒައިޒޭޝަން އޮފް އިސްލާމިކް ކޯޕަރޭޝަންއަކީ އިސްލާމީ ޤައުމުތަކަށް ކުރިމަތިވާ ކަންކަމުގައި ގުޅިގެން މަސައްކަތްކުރުމަށް އެކުލަވާލާފައިވާ އެންމެ ބޮޑު ޖަމާއަތެވެ.

އިޒްރޭލުން ފަލަސްތީނަށް ހަމަލާދޭން ފެށީ 2023 ވަނަ އަހަރު އޮކްޓޫބަރު މަހުގެ 7 ވަނަ ދުވަހު ކަމަށްވާއިރު، އެ ހަމަލާތަކުގައި ގާޒާ އިން 48،000 އަށް ވުރެ ގިނަ މީހުން ވަނީ ޝަހީދުވެ، 100،000 އަށް ވުރެ ގިނަ މީހުންނަށް އެކި ވަރުގެ އަނިޔާތައް ވަނީ ލިބިފަ އެވެ.

ހަނގުރާމައިގެ ސަބަބުން ގާޒާގެ 85 ޕަސެންޓު މީހުން ގެދޮރު ދޫކޮށް ގޮސްފައިވާއިރު، ގާޒާގެ ބައި މިލިއަނެއްހާ މީހުން ބަޑުހައިހޫނުކަން އަންނަނީ ތަހައްމަލު ކުރަމުންނެވެ.

އިޒްރޭލާއި ހަމާސްއިން ވަނީ މި އަަހަރުގެ ޖެނުއަރީ 19 ގައި ހަމަލާތައް ބަދަލުކުރުން ހުއްޓާލަން އެއްބަސްވެފަ އެވެ.