މި ހުރީ ވެސް ހޯރަފުށި ދާއިރާއިން ވޯޓު ހޯދަން ވީ ވައުދުތައް؛ އަދި ހިލަމެއް ނެތް..!

ހަސަން ހަލީމް

29 މާޗް 2025 - 14:10

2 comments

ނިމުނު ގައުމީ އިންތިހާބު ތަކުގައި ހޯރަފުށި ދާއިރާއަށް ވެސް ގިނަ ވައުދުތަކެއް ވަނީ ވެފަ އެވެ. އަދި އެ ވައުދުތައް ސަރުކާރުން ނުފުއްދާތީވެ އެކަމުގެ ކަންބޮޑުވުން އިންތިހާއަށް ވަނީ ބޮޑުވެފަ އެވެ.

ތިމަންނާ ހޮވައިދީފިނަ ކޮށްދޭނެ ވައުދުތަކާއި ސަރުކާރުން ދައްކާ މީހާ ހޮވައިދިނީމާ ކޮށްދޭން ހުރި ވައުދު ލިސްޓްތައް ލައްކަ ގިނައެވެ. ސަރުކާރަށް 16 މަސް ވެގެންދާއިރު އަދި މަޖިލިސް އިންތިހާބުން ރައްޔިތުން ދިން ވޯޓުގެ މުގާބިލުގައި ވީ ވައުތައް އަދި ހުރީ "ރޮލަށެވެ"

ވައުދު ވުމަކީ ސަމާސާއަކަށް ބަޔަކު މިއަދު ހަދައިފި އެވެ. އަދި އިންތިހާބުވި މީހުން ގޮނޑިތަކުގައި ހަމަޖެހިލުމަށްފަހު ވައުދު ލިސްޓް ނަނގާލީ ޑަސްބިނަށެވެ. އަދި ބައެއް ވައުދަކީ މީހަކު ބުނެގެން މީހަކަށް ވީ ވައުދުކަމަށް ބުނެ ވެސް އެކަމުން އަންނަނީ ބޯދަމައިގަންނަމުން ނެވެ. އަދި ވައުދު ފުއްދަން ޖެހޭނީ އިންތިހާބުވި މީހާ ކަމަށް ބުނެ ސަރުކާރުގެ ވެރިން މިއަދު ރައްޔިތުންނަށް ފިއްލަވާއިފި އެވެ. ލިބޭ ޗުއްޓީއެއްގައި ދާއިރާ އަށް އައުން ވެސް މަދު ވެއްޖެ އެވެ.

ނިމުނު މަޖިލިސް އިންތިހާބުގައި ސަރުކާރު ފަޅިން ނިކުންނެވި މެންބަރު ވިދާޅުވެފައިވަނީ އެއީ "އުންމީދީ ބަދަލު" ކަމަށެވެ. ނަމަވެސް ރައްޔިތުންގެ ވޯޓަށް އެދި ވީ ވައުދުތައް އަދި ހުރީ މަތާރަންފިލާ މަތީ އެވެ. އުންމީދީ ބަދަލު ނާ އުންމީދުވީ އެވެ. ރޯދަމަސް ވުމުން ހަދާނަށް އަންނަނީ "ދީންވެރި މުޖުތަމައެއް ބިނާކުރަން" ހޯރަފުށި ދާއިރާގެ ތިންރަށަށް ވީ ވައުދުތަކުގެ މަތިން ނެވެ. ސަރުކާރު ލިބުނު ފަހުން ދެ ރޯދަ މަސް ނިމެނީ އެވެ. ހޯރަފުށި ދާއިރާއިން ވޯޓު ހޯދަން ވީ ވައުދުތައް މިހުރީ އެވެ. އަދި ހިލަމެއް ނެތެވެ. ވައުދު ފުއްދަން މަސައްކަތް ކުރައްވާ ތަނެއް ވެސް ނުފެނެ އެވެ.

ދަރުސް ޕްރޮގްރާމް
ޒުވާނުންނަށް ހާއްސަ ދީނީ ކޭމްޕް
ދަރިވަރުންނަށް ހާއްސަ ދީނީ ކޭންޕް
3 ރަށަށް ހާފިޒުން ގެނެސް ދިނުން
ގުރްއާން މުބާރާތް ބޭއްވުން
ގުރުއާން ކުލާސްތައް ހިންގުން

މިއަދު ހޯރަފުށީ ދާއިރާގެ ރައްޔިތުން ހާއްސަކޮށް ޒުވާނުންގެ ޝަކުވާއަކީ މި ސަރުކާރުން ހޯރަފުއްޓަށް ވީ ވައުދުގައި "ކުލަ" ނުޖެހުމެވެ.

އިބްރާހިމް ހަލީލްގެ ވާހަކަ އަށް ފާޑުކިޔާ އެ ވީޑިއޯއަށް ކޮމެންޓް ކުރި މީހަކު ބުނީ ވޯޓުން އެބުނާ މީހަކު ހޮވުމުން ހަލީލް ގެއްލިއްޖެ ކަމަށާއި ހޯރަފުށީގެ ތަރައްގީ ހުއްޓުނީ ހަލީލް އެދުނުގޮތަށް ދިން ވޯޓަށް ފަހު ކަމަށެވެ.

އިތުރު އެހެން މީހަކު ބުނީ ނިމުނު ސަރުކާރުތަކުގެ ފަސް އަހަރުގެ ދައުރުތަކަކީ "މައި ސަރުކާރު"ގެ ލެންސަށް ހޯރަފުށި ދާއިރާ އެރި ދުވަސްތައް ކަމަށާއި އެކަމުގެ ބިންގަލަކީ "ސަރުކާރުން ދެއްކި މީހާ" އަށް ރައްޔިތުން ވޯޓު ދިނުން ކަމަށެވެ.

ނަމަވެސް މިފަހަރު ސަރުކާރުގެ ކެންޑިޑޭޓަކާއެކު ހޯރަފުށި ދާއިރާ އަށް ކުރިއެރުން ލިބުން މަޑުޖެހިފައި އޮތުން ބަލައިނުގަނެވޭ ކަމަށެވެ.

އިތުރު އެހެން ޕޯސްޓެއްގައި ހަލީލްގެ ވާހަކަތަކަށް އިޝާރާތްކޮށް ކޮމެންޓް ކުރި މީހަކު ބުނެފައިވާ ވަނީ...

ވެރިކަން ހޯދަން ހެދީ ދޮގު!‏
ވެރިކަން ލިބުނީމާވެސް ހަދަނީ ދޮގު!
ދޮގުން ސަލާމަތްވާން ވެސް ހަދަނީ ދޮގު!
ދެންވެސް ހަދާނި ދޮގު!
މިހުރީ ހެދި ބައެއް ދޮގު !

ތެދެކެވެ. ރައްޔިތުންނަށްވާ ވައުދަކީ ދިރުމެެއް ވާނެ އެއްޗެކެވެ. އެ ވައުދުގެ ވާހަކަ ރައްޔިތުން ދައްކާނީ ވަގުތު ޖެހުނީމަ އެވެ. ރުފިޔާ ހިފައިގެން ގޮސް، ޑޮލަރެއް 16ރ. އަށް ނުލިބުނީ މާ ރައްޔިތުން މުޒާހަރާ އަށް ނުކުންނާނެ އެވެ. އެއީ ވައުދެވެ. "ގުރުއާން ކުލާސްތައް" ނު ބޭއްވުނުތާގައި ބަޔަކު ހިންގާ ގުރުއާން ކުލާހަކަށް މިހާރު އެހީވާތަން ވެސް ނުފެނުނީމާ ރައްޔިތުން އެވާހަކަ ދައްކާނެ އެވެ. ސިޔާސީ މީހާ ސަމާސާ އަކަށް ބުންޏަސް، ނުވަތަ ވާދަވެރިކަމެއްގައި ބުންޏަސް، އާންމު މީހާ އެކަން ނަގާނީ ވަރަށް ސީރިއަސްކޮށެވެ.