ފުލުހުންގެ މައި މަރުކަޒު ހުޅުމާލޭގައި އަޅަން ސޮއިކޮށްފި

ހަސަން ހަލީމް

22 މެއި 2025 - 15:08

0 comments

ފުލުހުންގެ މައި މަރުކަޒު ހުޅުމާލޭގައި ބިނާ ކުރަން ހައުސިން ޑިވެލޮޕްމަންޓް ކޯޕަރޭޝަންއާއެކު އެއްބަސްވުމެއްގައި ސޮއިކޮށްފި އެވެ.

އެ އެއްބަސްވުމުގެ ދަށުން، ފުލުހުންގެ މައި މަރުކަޒުގެ އިތުރުން ޑޭޓާ ސެންޓަރު ވެސް ހުޅުމާލޭގައި ބިނާ ކުރާނެ ކަމަށް އެޗްޑީސީއިން ބުނެ އެވެ.

ފުލުހުންގެ މައި މަރުކަޒުގެ ގޮތުގައި މިހާރު ބޭނުން ކުރަނީ ޝަހީދު ހުސެއިން އާދަމް އިމާރާތެވެ. ސިފައިންގެ މައި މަރުކަޒު ކައިރި ހުންނަ އެ އިމާރާތް ހުޅުވީ މީގެ 26 އަހަރު ކުރިން 1999 ވަނަ އަހަރެވެ.

ފުލުހުންނާއި ސިފައިން ވަކި ދެ އިދާރާއެއްގެ ގޮތުގައި ހިންގަން ފެށިއިރު ފުލުހުންގެ އަދަދު އޭރު ތަންކޮޅެއް މަދު ނަމަވެސް މިހާރު ރާއްޖޭގެ ގިނަ ސަރަހައްދުތަކެއްގައި ފުލުހުން ގާއިމުވެ ތިބުމުން ފުލުހުންގެ މައި އިދާރާއަށް އިތުރު ޖާގަ ވަނީ ބޭނުންވެފަ އެވެ.

ހުޅުމާލޭގައި ފުލުހުންގެ މައި މަރުކަޒު އަޅަނީ ކިހާ ވަރެއްގެ ބިމެއްގައި ކަމެއް އަދި ނޭނގެ އެވެ.