ހުއްދަ ނުނަގާ މިމަހުގެ 17ގެ ފަހުން ދުންފަތުގެ ވިޔަފާރި ކުރާނަމަ ފިޔަވަޅުއަޅާނެ

މަރިޔަމް އަނާ

02 ޖުލައި 2025 - 14:47

0 comments

މިމަހުގެ 17 ވަނަ ދުވަހުގެ ފަހުން ލައިސަންސް ނެތި ދުންފަތުގެ ވިޔަފާރީގެ މުއާމަލާތްކުރުން މަނާވާނެކަން ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހަނދާންކޮށްދީފި އެވެ.

އެޗްޕީއޭއީން ބުނީ ދުންފަތުގެ ބަވަތްތައް އިމްޕޯޓުކުރުމަށާއި، ރީއެކްސްޕޯޓުކުރުމަށާއި ރާއްޖޭގައި ވިއްކުމަށާއި، ދުންފަތް ކޮންޓްރޯލްކުރުމާބެހޭ ޤާނޫނާއި ގަވާއިދުގެ ދަށުން ވަކި ލައިސެންސެއް މިހާރު ނަގަންޖެހޭކަމަށެވެ.

ދުންފަތުގެ ވިޔަފާރިކުރުމަށް ނަގަންޖެހޭ މިލައިސެންސް ނެގުމަށް، ވަންގަވް ޕޯޓަލް މެދުވެރިކޮށް ހުއްދަ ހޯދުމުގެ ފުރުސަތުވަނީ މިއަހަރުގެ އޭޕްރީލްމަހުގެ 17 ވަނަ ދުވަހު ހުޅުވާލާފަ އެވެ. އަދި މިމުއްދަތު މިމަހުގެ 17 އަށް ހަމަވާނެ އެވެ.

އެހެންކަމުން ދުންފަތުގެ ވިޔަފާރިކުރަން އެދޭ ފަރާތްތަކުން މިމަހުގެ 17ގެ ކުރިން ލައިސެންސް ނުނަގާ އޭގެފަހުން ވިޔަފާރިކުރާނަމަ އެއީ ގާނޫނީ ކުށެއްކަމަށް އެޗްޕީއޭއިން ބުންޏެވެ.