2026 ގެ ބަޖެޓް ފޮތުގެ އިންފޯގްރަފީ ތައްޔާރުކުރަން ބަޔަކު ހޯދަނީ

މަރިޔަމް އަނާ

02 ޖުލައި 2025 - 14:56

0 comments

20202 ވަނަ އަހަރުގެ ދައުލަތުގެ ބަޖެޓު ފޮތުގެ އިންފޯގްރަފީ

އަންނަ އަހަރަށް ލަފާކުރާ ދައުލަތުގެ ބަޖެޓުގެ އިންފޯގްރަފީ ތައްޔާރުކޮށްދޭނެ ބަޔަކު ހޯދަން ފިނޭންސް މިނިސްޓްރީން މިއަދު އިއުލާނުކޮށްފި އެވެ.

ފިނޭންސް މިނިސްޓްރީން ބުނީ ބަޖެޓުގައިވާ މަޢުލޫމާތު އެ މިނިސްޓްރީގެ ފަރާތުން ރައްޔިތުންނަށް ވީހާ ވެސް ބޮޑަށް ފަހުމްވާ ގޮތަށް އަދި ފަސޭހައިން ލިބޭނެ ގޮތް ހެދުމުގެ ބޭނުމުގައި އަންނަ ވަނަ އަހަރުގެ ބަޖެޓާގުޅޭ އިންފޯގްރަފީ ތައްޔާރުކުރުމަށް ބޭނުންވާ ކަމަށެވެ. އެގޮތުން ބަޖެޓު ފޮތުގެ ޑިޒައިނާއި ލޭއައުޓް އަދި އިންފޮމޭޝަން ބުކްލެޓެއް ތައްޔާރު ކުރުމަށް ގަސްތުކޮށްފައިވާތީ ޝަރުތު ޝައުގުވެރިވާ ފަރާތްތަކަށް ބީލަން ހުށަހެޅުމުގެ ފުރުސަތު މި މަހުގެ 10 އާ ހަމައަށް ހުޅުވާލާފައިވާ ކަމަށެވެ..

ފިނޭންސް އިން ބުނީ ހުށަހަޅާ ބިޑު އިވެލުއޭޓްކުރުމަށް ހަމަޖެހިފައިވަ ނީ ދެ މަރުހަލާއަކަށް ބަހާލައިގެން ކަމަށެވެ. އެގޮތުން ބިޑް ހުށަހަޅަން ޖެހޭނީ ޓާމްސް އޮފް ރިފަރެންސް (ޓީއޯއާރް) އާ އެއްގޮތަށް ފުރަތަމަ ސިޓީ އުރައިގައި ޓެކްނިކަލް ޕްރޮޕޯސަލް ކަމަށާއި، ދެވަނަ ސިޓީ އުރައިގައި އަގުގެ ޕްރޮޕޯސަލް ކަމަށާއި، އިޢުލާނާއެކު އާންމުކޮށްފައިވާ ޓީއޯއާރްއާ އެއްގޮތަށް އިވެލުއޭޝަންގެ މަސައްކަތް ކުރިއަށް ގެންދާނެ ކަމަށް މިނިސްޓްރީން ބުންޏެވެ.

މިކަމަށް ޝައުގުވެރިވާ ފަރާތްތަކުން މިމަހުގެ 10 ވަނަ ދުވަހުގެ މެންދުރުފަހު 1:30 ގެ ކުރިން ބިޑް ހުށަހަޅަންޖެހެ އެވެ.