އުތުރުގެ 12 ރަށެއްގައި ގްރީންހައުސް ގާއިމުކޮށްފި

މަރިޔަމް އަނާ

06 ޖުލައި 2025 - 13:35

0 comments

ތިމާވެއްޓާ ރައްޓެހި ދެމެހެއްޓެނިވި ދަނޑުވެރިކަން ދަނޑުވެރިންނަށް ތަޢާރަފް ކުރުމުގެ ގޮތުން އުތުރުގެ 12 ރަށެއްގައި ގްރީންހައުސް ގާއިމުކޮށްފި ވެ.

އެގްރިބިޒްނަސް މެޗިން ގްރާންޓް ޕްރޮގްރާމްގެ ނަމުގައި ކުރިއަށް ގެންދާ އެ ސްކީމް އަމާޒުކޮށްފައި ވަނީ މޯލްޑިވްސް އެގްރިބިޒްނަސް ޕްރޮގްރާމް (މެޕް)ގެ ހަރަކާތްތައް ކުރިއަށް ގެންދާ ހއ. ހދ. އަދި ށ. އަތޮޅުގެ 26 ރަށުގެ ދަނޑުވެރިންނާއި ދަނޑުވެރިކަމުގައި ހަރަކާތްތެރިވާ ކުދި އަދި މެދު ފަންތީގެ ވިޔަފާރިތަކަށެވެ.

އެގްރިކަލްޗާ މިނިސްޓްރީން ބުނީ 12 ރަށުގެ ތެރެއިން މިހާތަނަށް 11 ރަށެއްގެ ގްރީން ހައުސްތަކުގައި ކިއުކަމްބާ، މެލަން، މިރުސް އަދި ކެޕްސިކަމް ފަދަ ތަކެތި ހެއްދުމުގެ ތަމްރީނުތައް ކުރިއަށް ގެންގޮސްފައިވާ ކަމަށެވެ. އެ ރަށްތަކުގައި ވަނީ ގްރީން ހައުސްގައި ދަނޑުވެރިކަން ފަށައިފަ އެވެ.

އެ ރަށްތަކަކީ:

* ހދ. މަކުނުދޫ
* ހދ. ނޭކުރެންދޫ
* ހދ. ނޮޅިވަރަމްފަރު
* ހދ. ވައިކަރަދޫ
* ހއ. ކެލާ
* ހއ. އުލިގަމު
* ހއ. މޮޅަދޫ
* ހއ. ފިއްލަދޫ
* ށ. ނަރުދޫ.
* ށ. ގޮއިދޫ
* ށ. ފޯކައިދޫ

ގްރީން ހައުސްތައް ޤާއިމްކޮށް ދަނޑުވެރިން ޒަމާނީ ދަނޑުވެރިކަމަށް އަހުލްުވެރި ކުރުމުގެ އިތުރުން، ދަނޑުވެރިކަމުގައި ކުރިއަރައި ދިއުމަށް ބޭނުންވާ ތަފާތު ތަމްރީންތައްވެސް ދަނޑުވެރިނަށް މެޕް އިން އަންނަނީ ފޯރުކޮށް ދެމުންނެވެ.