ކަސްޓަމްސްގެ މުސާރަ އަންނަ އަހަރު ބޮޑުކުރަނީ

އައިމިނަތު ޝިޔާޒާ

13 ނޮވެމްބަރ 2025 - 10:59

0 comments

އަންނަ އަހަރު ކަސްޓަމްސް މުވައްޒަފުންގެ މުސާރަ ބޮޑުކުރާނެ ކަމަށާއި، ސަރުކާރުން ހުށަހެޅީ 270 މިލިއަން ރުފިޔާއަށް ވުރެ މުސާރައަށް ކުރާ ހޭދަ އިތުރުނުކުރަން ކަމަށް، ކަސްޓަމުން މިއަދު ބުނެފިއެވެ.

ބަޖެޓު ދިރާސާކުރާ ކޮމިޓީގައި މެންބަރަކު ކުރި ސުވާލަކަށް ޖަވާބު ދެއްވަމުން ކަސްޓަމްސްގެ ޗީފް ސުޕްރިޓެންޑެންޓް އަބްދުﷲ އަލީ ވިދާޅުވީ، ފިނޭންސް މިނިސްޓްރީއާ އެކު ދެކެވުނު ވާހަކަތަކުގެ ތެރެއިން އެހެން އިދާރާތަކެކޭ އެއްގޮތަށް އެ އިދާރާގެ މުވައްޒަފުންގެ މުސާރަ ވެސް ޕޭ ހާމަނައިޒޭޝަންގެ ތެރެއިން އަންނަ އަހަރު ބޮޑުވާނެ ކަމަށެވެ. އެކަމާ މެދު އެއްވެސް ޝައްކެއް ނެތް ކަމަށް އޭނާ ވިދާޅުވި އެވެ.

އޭނާ ވިދާޅުވި ގޮތުގައި އަންނަ އަހަރަށް ޖުމްލަ 270 މުވައްޒަފުންނާއި އެ މުވައްޒަފުންގެ މުސާރައަށް 73 މިލިއަން ރުފިޔާ އިތުރަށް ބޭނުންވާނެއެވެ.

ކަސްޓަމްސްގެ ގާނޫނު 2011 ވަނަ އަހަރު ވުޖޫދުވި ފަހުން މުސާރައަށް ބަދަލެއް ނާންނަތާ 13 އަހަރުވެއްޖެ އެވެ.