ކަނޑުމަގުން އެތެރެކުރަން އުޅުނު ގިނަ އަދަދެއްގެ ވޭޕް އަތުލައިގަނެފި

އަލީ ރާޒީ

10 ޑިސެމްބަރ 2025 - 23:18

0 comments

ފުލުހުން، މީގެ ކުރިން އަތުލައިގަތް ވޭޕްތަކެއް - ފައިލް ފޮޓޯ

ރާއްޖެއަށް ވޭޕް ގެނައުން މަނާކުރި ފަހުން، އެ ތަކެތީގެ އެންމެ ބޮޑު ޝިޕްމަންޓު އަތުލައިގެންފި އެވެ.

މޯލްޑިވްސް ކަސްޓަމްސް ސާވިސް އިން މިއަދު ބުނީ ކަނޑުގެމަގުން ރާއްޖެއަށް ގެނައި މުދާ ޝިޕްމެންޓެއްގައި ގާނޫނާ ގަވާއިދާ ހިލާފު ތަކެތި ހުރެދާނެ ކަމަށް ކަސްޓަމްސްއަށް ފާހަގަކުރެވިގެން މި މަހުގެ ހަތަރު ވަނަ ދުވަހު ހާއްސަ އޮޕަރޭޝަނެއް ހިންގާފައިވާ ކަމަށެވެ.

މިއޮޕަރޭޝަންގައި ބަލާފާސްކުރެވުނު ޝިޕްމަންޓުގެ ތެރެއިން ގިނަ އަދަދެއްގެ ވޭޕް ފޮރުވާފައި ހުއްޓާ ފެނިފައިވާ ކަމަށާއި މި ގޮތުން ޖުމްލަ 10،800 ވޭޕް ކާޓްރިޖް ހޯދައި، ކަސްޓަމްސްގެ ބެލުމުގެ ދަށަށް ގެނެސްފައިވާ ކަމަށް ކަސްޓަމްސުން ވަނީ ބުނެފަ އެވެ.

ރާއްޖެއަށް ވޭޕާއި އެއާ ގުޅުން ހުރި އާލާތްތައް އެތެރެކުރުން މަނާކޮށްފައިވަނީ ނޮވެމްބަރު 15، 2024 ގަ އެވެ.