ހައިދަރު ވެސް އިސްތިއުފާ ދެއްވައިފި

ހުސެން ރަޝީދު

14 އޭޕްރީލް 2026 - 14:15

0 comments

ހަޔާ އެޑިއުކޭޝަން މިނިސްޓަރުގެ މަގާމުގައި ހުންނެވި ޑރ. އަލީ ހައިދަރު އަހުމަދު ވެސް މަގާމުން އިސްތިއުފާ ދެއްވައިފި އެވެ.

މި ސަރުކާރުގައި ހައިދަރު ފުރަތަމަ ހުންނެވީ ހައުސިން މިނިސްޓަރުގެ މަގާމުގަ އެވެ. ފަހުން ހައުސިން މިނިސްޓްރީ އާއި ކޮންސްޓްރަކްޝަން މިނިސްޓްރީ އެއްކޮށްލުމަށް ފަހު ހައިދަރު ބަދަލު ކުރެއްވީ ހަޔާ އެޑިއުކޭޝަން މިނިސްޓަރުގެ މަގާމަށެވެ.

ހައިދަރުގެ އިސްތިއުފާއާ އެކު މިއަދުގެ މިހާތަނަށް 9 ވަޒީރަކު އިސްތިއުފާ ދެއްވާފައިވާކަން 'ހޯރަ'އަށް ވަނީ ކަށަވަރުވެފަ އެވެ.

މި ބޭފުޅުން އިސްތިއުފާ ދެއްވި ސަބަބެއް އަދި ހާމަކޮށްފައިނުވެ އެވެ.

މީގެ އިތުރުން ރައީސް އޮފީހުގެ މިނިސްޓަރު އަލީ އާރިފް އިއްޔެ ވަނީ މަގާމުން އިސްތިއުފާ ދެއްވާފަ އެވެ.