މާލެއަށް ދަތުރުކުރި ލޯންޗެއް ފެޅިގެން ބަޔަކު ކަނޑުވެއްޖެ

އައިމިނަތު ޝިޔާޒާ

18 މެއި 2026 - 19:23

0 comments

މާލެއަށް ދަތުރުކުރި ލޯންޗެއް ފަޅައިގެން ގޮސް ބަޔަކު ކަނޑުވެގެން އެމީހުން ސަލާމަތްކުރަން މެރިން ޕޮލިހުން ހަރަކާތްތެރިވާން ފަށައިފި އެވެ.

މި ލޯންޗް ފަޅައިގެން ދިއުމުން، ލޯންޗްގައި ތިބި މީހުން ވަނީ ލައިފް ޖެކެޓް އަޅައިގެން މޫދަށް ފުންމާލާފަ އެވެ.

މި ހާދިސާގެ ރިޕޯޓް ލިބުމުން މެރިން ޕޮލިސް ހަރަކާތްތެރިވަމުންދާ ކަމަށް ފުލުހުން ބުނެފައިވެ އެވެ.

އެ ގޮތުން މީހުން ސަލާމަތް ކުރުމަށް މެރިން ޕޮލިސްގެ ދެ ލޯންޗެއް އެ ސަރަހައްދުގައި ހަރަކާތްތެރިވަމުންދާ ކަމަށްވެސް ފުލުހުން ބުނެފައިވެ އެވެ.

ސޯޝަލް މީޑިއާގައި ދައުރުވަމުންދާ ވީޑިއޯތަކުން ފެންނަނީ އެ ލޯންޗުގެ އެއްބައި އަޑިއަށް ދާއިރު ދަަތުރުވެރިން ލައިފް ޖެކެޓުގައި ތިއްބަ އެވެ. އޭގެ ތެރޭގައި އަންހެނުން ވެސް ހިމެނެ އެވެ.