ޕީއެންސީގެ ނައިބު ރައީސްގެ މަގާމަށް މިނިސްޓަރު ޝިޔާމް ވެސް ވާދަކުރައްވަނީ

ޔޫނުސް އިބްރާހިމް

02 އޯގަސްޓް 2026 - 23:00

0 comments

އަންނަ މަހުގެ ތެރޭގައި ބާއްވާ ޕީއެންސީގެ ކޮންގްރެސްގައި 6 ނައިބު ރައީސުން ހޮވުމަށް ހަމަޖެހިފައިވާއިރު، އެ މަގާމަށް ވާދަކުރައްވާ ހަތްވަނަ ބޭފުޅަކަށް ފިޝަރީޒް މިނިސްޓަރު އަހުމަދު ޝިޔާމް ވާދަކުރައްވާނެކަމަށް އޭނާ މިއަދު ވިދާޅުވެއްޖެ އެވެ.

އަންނަ ސެޕްޓެމްބަރު މަހު ބާއްވާ ޕީއެންސީގެ ކޮންގްރެސް އިންތިޚާބުގައި ހޮވާ ޕީއެންސީ ނައިބު ކަމަށް މިހާތަނަށް ޝިޔާމްގެ އިތުރުން ވަނީ ޖުމުލަ ހަ ބޭފުޅަކު ޝައުގުވެރިކަން ފާޅުކުރައްވާފައެވެ. އެ ބޭފުޅުންނަކީ:

މާފަންނު މެދު ދާއިރާގެ މެންބަރު އަސްމާ ރަޝީދު
ސަރުކާރުގެ އިސް ތަރުޖަމާނު މުހައްމަދު ހުސައިން ޝަރީފް (މުންދު)
އިކޮނޮމިކް މިނިސްޓަރު މުހައްމަދު ސައީދު
ޔޫތު މިނިސްޓަރު އަބްދުﷲ ރާފިއު
ބާރަށު ދާއިރާގެ މެންބަރު އިބްރާހިމް ޝުޖާއު
ނިލަންދޫ ދާއިރާގެ މެންބަރު ފާތިމަތު ސައުދާ

އޭގެތެރެއިން، ސައީދާއި މުންދުއާއި ޝުޖާއު އަދި ޝިޔާމް މިހާރު ވެސް ތިއްބެވީ ޕީއެންސީގެ ނައިބު ކަމުގެ މަގާމުގަ އެވެ.

އަންނަ މަހު އޮންނަ ކޮންގްރެސްގައި ޕާޓީގެ ރައީސް އާއި ޗެއާޕާސަންގެ މަގާމު ފިޔަވައި އެހެން އިސް މަގާމުތަކަށް މީހުން އިންތިހާބުކުރުން އޮންނާނެ އެވެ. އެގޮތުން:

ޕީއެންސީގެ އަސާސީ ގަވާއިދު އޮންނަ ގޮތުން ޕީއެންސީގެ ވެރިކަމެއް އޮންނައިރު ޕާޓީގެ ރައީސަކީ ރައީސުލްޖުމްހޫރިއްޔާ
ޕީއެންސީގެ ވެރިކަމެއް އޮންނަ އިރު ޕާޓީގެ ޗެއާޕާސަނަކީ ރައީސުލްޖުމްހޫރިއްޔާ އައްޔަންކުރައްވާ ބޭފުޅެއް
އެހެންވެ އަންނަ ކޮންގްރެސްގައި ޕީއެންސީގެ ރައީސް އާއި ޗެއާޕާސަން އިންތިހާބުކުރަން ޖެހޭ ހާލަތެއް ނެތް