ކުންފުނިތަކަށް ބިން ދޫކުރެވޭ ގޮތަށް ގަވާއިދަށް ބަދަލު ގެނެސްފި

އަބްދުﷲ މައުރޫފް

06 އޯގަސްޓް 2026 - 13:53

0 comments

ރައީސްގެ ހުއްދައާ އެކު ސަރުކާރުގެ މެޖޯރިޓީ ހިއްސާ އޮންނަ ކުންފުނިތަކަށް ބިން ދޫކުރެވޭ ގޮތަށް 'ދިރިއުޅުމުގެ ބޭނުމަށް ނޫން އެހެނިހެން ބޭނުންތަކަށް ބިން ދޫކުރުމުގެ ގަވާއިދު' ބަދަލުކޮށް އިއްޔެ އާންމުކޮށްފި އެވެ.

އެ ގަވާއިދު އިއްޔެ އާންމުކުރުމާ އެކު 2024 އިން ފެށިގެން އަމަލު ކުރަމުން އައި ކުރީގެ ގަވާއިދު ވަނީ އުވިފަ އެވެ.

އަލަށް އަމަލުކުރަން ފެށި ގަވާއިދަށް ބަލާ އިރު ގެނެސްފައިވާ ހަމައެކަނި ބަދަލަކީ ސަރުކާރުގެ މެޖޯރިޓީ ހިއްސާ އޮންނަ ކުންފުނިތަކަށް ބިން ދޫކުރެވޭ ގޮތަށް މާއްދާއެއް އިތުރުކުރުމެވެ. އެގޮތުން "ސަރުކާރުގެ މެޖޯރިޓީ ހިއްސާވާ ކުންފުނިތަކަށް ބިން ދޫކުރުން" ނަމުގައި ގަވާއިދުގައި އަލަށް މާއްދާއެއް ވަނީ ހިމަނައިފަ އެވެ.

އެ މާއްދާގައި ބުނަނީ ވާއިދުގައި އެހެން ގޮތަކަށް ބަޔާންކޮށްފައި އޮތް ނަމަވެސް، ސަރުކާރުން ކަނޑައަޅާ ސިޔާސަތަކާ އެއްގޮތްވާ ގޮތުގެ މަތިން އަދި ބިމާ ބެހޭ އިދާރާގެ ލަފާގެ މަތިން ރައީސްގެ ހުއްދައާ އެކު ސަރުކާރުގެ މެޖޯރިޓީ ހިއްސާވާ ކުންފުނިތަކަށް ބިން ދޫކުރެވިދާނެ ކަމަށެވެ.

އެހެންވެ އިއްޔެ އާންމުކުރި މި ގަވާއިދުގައި ބިން ދޫކުރެވޭ ގޮތްތައް ބަޔާންކުރާ މާއްދާގައި ވެސް ސަރުކާރުގެ މެޖޯރިޓީ ހިއްސާވާ ކުންފުނިތައް ހިމަނާފައިވެ އެވެ.

ގަވާއިދުގައިވާ ގޮތުން، ދޫކުރާ ބިމުގެ އަގާއި ކުލި ކަނޑައަޅަން ޖެހޭނީ ކުރިން ވެސް އަމަލުކުރަމުން އައި ގޮތަށް އެކަމަށްޓަކާ އެކުލަވާލާ ލޭންޑް ވެލުއޭޝަން ކޮމިޓީންނެވެ. އަދި މިހާރު ވެސް މި ކޮމިޓީ ޗެއާ ކުރާނީ މި ކޮމިޓީއަށް ރައީސް އައްޔަންކުރައްވާ މެމްބަރެވެ.

ޖުމްލަ ނުވަ މެމްބަރުން ތިބޭ މި ކޮމިޓީ ތަމްސީލުކުރާ އިދާރާތަކަށް ކުދިކުދި ބަދަލުތައް، އަލަށް އާންމުކުރި ގަވާއިދުގައި ވަނީ ގެނެސްފަ އެވެ. އެގޮތުން، މި ކޮމިޓީގައި ކުރިން އިންނަ މޯލްޑިވްސް ލޭންޑް އެންޑް ސާވޭ އޮތޯރިޓީ މިހާރު ވަނީ އުނިކޮށްފަ އެވެ. އޭގެ ބަދަލުގައި ހިމަނާފައިވަނީ، ބިން ބޭނުންކުރުމާ ގުޅޭ ކަންކަމާ މަސްއޫލުވާ ވުޒާރާގެ ދެ މެމްބަރުން ތިބެންޖެހޭ ގޮތަށެވެ.

އެހެންކަމުން، ދެން މި ކޮމިޓީގައި ތިބޭނީ: