އިންފަންޓީނޯއަށް ފާޑުކީ ސީއޯއޯ މަގާމުން ވަކިކޮށްފި

ހުނައިދާ ޔާސިރު

18 އޯގަސްޓް 2026 - 11:21

0 comments

ވޯލްޑް ކަޕްގެ ވިޔާފާރީގެ ބައިތައް އަމިއްލަ އިންވެސްޓަރުންނަށް ވިއްކާލުމަށް ފީފާގެ ރައީސް ޖިއާނީ އިންފަންޓީނޯ ގެންގުޅުއްވި ޕްލޭނަށް ފާޅުގައި ފާޑުކީ، ސީއޯއޯ ކެވިން ލެމުއާ، ފީފާގެ މަގާމުން ވަކިކޮށްފި އެވެ.

ފީފާގެ ސަބްސިޑަރީ ކުންފުންޏެއް ހަދައި، އެ ކުންފުނީގެ ހިއްސާ އަމިއްލަ ވިޔަފާރިވެރިންނަށް ދޫކޮށްލަން އިންފަންޓީނޯ ރޭވިރޭވުން ނާކާމިޔާބުވެ، އޭނާއަށް ޖެހުނީ އެކަން ހުއްޓާލައްވާށެވެ. ވޯލްޑް ކަޕްގެ މާލީ ފައިދާ ވެސް ވިޔަފާރިވެރިންނަށް ނެގޭ ގޮތަށް އޮތް ޕްލޭން އަނބުރާ ގެންދަވަން ނިންމެވުމުގެ ކުރިން ލެމުއާ ވަނީ ވަރަށް ފާޅުގައި އިންފަންޓީނޯއަށް ފާޑު ވިދާޅުވެފަ އެވެ.

އެ ދުވަސްވަރު އޭނާ ނެރުއްވި ބާޔާނެއްގައި ވިދާޅުވީ އިންފަންޓީނޯގެ ޕްލޭނަކީ ފީފާގެ މެނޭޖްމަންޓަށް ވެސް އޮޅުވާލުމެއް ކަމަށެވެ. އެއީ އިންފަންޓީނޯގެ އަމިއްލަ ރޭވުމެއް ކަމަށް ވެސް ވިދާޅުވި އެވެ.

ފީފާގެ ތަރުޖަމާނަކު ބުނީ، ފީފާއާއި ސީއޯއޯ ކެވިން ލެމުއާއާ ދެމެދު އޮތް އެއްބަސްވުން އިއްޔެގެ ނިޔަލަށް ނިމިފައިވާ ކަމަށެވެ. އޭނާ ވަނީ، އެ މަގާމުގައި ދެ އަހަރު މަސައްކަތްކޮށްފަ އެވެ.

އިންފަންޓީނޯ ޔޫއެފާގެ ސެކްރެޓަރީ ޖެނަރަލްގެ މަގާމުގައި ހުރި އިރު އޭނާގެ ދަށުން، އެ އިދާރާގައި ވެސް ލެމުއާ މަސައްކަތް ކުރި އެވެ.

ފީފާއާ ލެމުއާ ގުޅިވަޑައިގަތީ 2024ގަ އެވެ. އޭގެ ކުރިން އޭނާ ހުންނެވީ ޔުއެފާގެ ޑިޕިއުޓީ ޖެނެރަލް ސެކްރެޓަރީގެ މަގާމުގަ އެވެ.