މުޅި ރާއްޖެ އަށް ނެރުނު ވައިޓް އެލާޓް ދަންމާލައިފި

އަބްދުﷲ މައުރޫފް

13 ސެޕްޓެމްބަރ 2026 - 10:38

0 comments

ބޯކޮށް ވާރޭ ވެހޭނެ ކަމަށް ލަފާކޮށް މުޅި ރާއްޖެ އަށް މިއަދު ނެރުނު ވައިޓް އެލާޓްގެ ވަގުތު މޫސުމާ ބެހޭ އިދާރާ އިން ދަންމާމައިފި އެވެ.

މެޓުން މުޅި ރާއްޖެއަށް ހުދު ސަމާލު ނެރެފައިވަނީ މިއަދު ހެނދުނު 9:30 އިން ފެށިގެން 14:00 އަށެވެ.

ސަމާލުގައި ވިދާޅުވެފައިވަނީ ބޯކޮށް ވާރޭވެހުމާއެކު ގުގުރާނެ ކަމަށް ލަފާކުރެވޭ ކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށް ލަފާކުރެވޭ ކަމަށްވެސް ވިދާޅުވުފައި ވެއެވެ.

ކުރިއަށް އޮތް 24 ގަޑިއިރު މޫސުން ލަފާކުރާގޮތަށް ބަލާއިރު މެޓުން ވިދާޅުވެފައިވަނީ އެކިހިސާބަށް ވިއްސާރަކުރުމާއެކު ގުގުރާނެ ކަމަށެވެ. އަދި ބައެއް ރަށްތަކަށް ބޯކޮށް ވާރޭވެހުން އެކަށީގެންވާ ކަމަށްވެސް ވިދާޅުވެފައި ވެއެވެ.

މޫސުމާ ބެހޭ އިދާރާ އިން ބުނީ މިހާރު ކުރަމުން އަންނަ ވިއްސާރަ އަންނަ ބުދަ ދުވަހާ ހަމައަށް ދެމިގެން ދާނެ ކަމަށެވެ. އެހެންވެ ހުރިހާ ފަރާތްތަކުން މޫސުމަށް ސަމާލުވެ، ފެންބޮޑުވުމުގެ ސަބަބުން ލިބިދާނެ ގެއްލުންތަކުން ރައްކާތެރިވުމަށް ކަމާބެހޭ ފަރާތްތަކުން އިލްތިމާސް ވެސް ކޮށްފައިވެ އެވެ.