ހޯރަފުށީގައި ހުރި ހުސްގޯތިތަކާ ގެވަޅުތައް ކައުންސިލުން މުއްސަނދިންނަށް ވިއްކާލަނީ!؟

ހުނައިދާ ޔާސިރު

25 އޮކްޓޫބަރ 2026 - 11:57

0 comments

ހއ. ހޯރަފުށީގައި ހުރި ހުސްގޯތިތަކާ ގެވަޅުތައް ކައުންސިލުން މުއްސަނދިންނަށް ވިއްކާލަން ތައްޔާރު ވެއްޖެ އެވެ.

ހޯރަފުށީ ކައުންސިލްގެ ރައީސް މުހައްމަދު އަޝްފާމް "ހޯރަ" އަށް މިއަދު ވިދާޅުވީ ރަށުގައި ހުރި ބައެއް ހުސްގޯތިތަކާ ބައެއް ގެވަޅުތައް ކައުންސިލުން ވިއްކުމަށް ކައުންސިލްގެ ބައްދަލުވުމަކުން ފާސްކޮށްފައި ވާނެ ކަމަށާއި އަދި މިކަމާއި މައި ސަރުކާރުގެ ލަފަޔަކަށް ވެސް އެދިފައިވާނެ ކަމަށެވެ.

މި ފަދަ ނިންމުމެއް ނިންމުމުގެ ކުރިން ރައްޔިތުންގެ ލަފާ ހޯދިން ތޯ ސުވާލުކުރުމުން އަޝްފާމް ވިދާޅުވީ ރައްޔިތުންގެ ލަފާ ހޯދާނީ މިކަން ތަންފީޒު ކުރުމުގެ ކުރިން ކަމަށެވެ.

އަކަފޫޓަކަށް 250 ރުފިޔާ އަށްވުރެ ކުޑަ ނުވާގޮތަށް ބިން ވިއްކަން ވޯޓު ދެއްވި ކައުންސިލަރުންނަކީ:

ހޯރަފުށީ ކައުންސިލްގެ ރައީސް - މުހައްމަދު އަސްފާމް
ހޯރަފުށީ ކައުންސިލްގެ މެންބަރު - އަހްމަދު ރައޫފް
ހޯރަފުށީ ކައުންސިލްގެ މެންބަރު - އާމިނަތު އަބްދުއް ސައްތާރު

އަކަފޫޓަކަށް 250 ރުފިޔާ އަށްވުރެ ކުޑަ ނުވާގޮތަށް ބިން ވިއްކަން ވޯޓު ނު ދެއްވާ ކައުންސިލަރުންނަކީ:

ހޯރަފުށީ ކައުންސިލްގެ ނައިބު ރައީސް - އަހުމަދު އިމްދާހު
ހޯރަފުށީ ކައުންސިލްގެ މެންބަރު - އާމިނަތު ވިސާމާ

ހއ. ހޯރަފުށީގައި ހުރި ހުސްގޯތިތަކާ ގެވަޅުތައް ކައުންސިލުން މުއްސަނދިންނަށް ވިއްކާލަން ތައްޔާރުވާތީވެ ހޯރަފުށީ ކައުންސިލްގެ ނައިބު ރައީސް ވަނީ އެކަމާއި ދެކޮޅަށް ތެދުވެފަ އެވެ.

ހޯރަފުށީ ކައުންސިލްގެ ނައިބު ރައީސް އިމްދާހު ވިދާޅުވީ ހުސްގޯތިތަކާ ގެވަޅުތައް "ދޫކޮށްލުމަކީ" އިހުމާލެއް ކަމަށެވެ.