ޚަބަރު
ރާއްޖޭގެ ރައްކާތެރިކަމަށް ދުރާލާ އިންޒާރުދޭ ނިޒާމުތައް މުހިއްމު: ރައީސް
ރާއްޖޭގެ ދެމެހެއްޓެނިވި ތަރައްޤީއާއި ރައްޔިތުންގެ ސަލާމަތާއި ރައްކާތެރިކަމަށް މޫސުމާއި ގުޅޭގޮތުން ދުރާލާ އިންޒާރުދޭ ނިޒާމުތައް ވަރަށް މުހިއްމުކަމަށް ރައީސް ޑރ.މުހައްމަދު މުޢިއްޒު ވިދާޅުވެއްޖެ އެވެ.

ދުރާލާ އިންޒާރުދޭ ނިޒާމުތަކާއި ގުޅޭގޮތުން ކޮޕް 31 ސަމިޓުގެ ތެރެއިން ކުރިއަށްދިޔަ ބައްދަލުވުމެއްގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ވަނީ ރާއްޖެފަދަ ޤައުމަކަށް މޫސުމާއި ގުޅޭގޮތުން ދުރާލާ އިންޒާރުދޭ ނިޒާމުތަކުގެ މުހިއްމުކަން ފާހަގަކުރައްވާފަ އެވެ.

ރައީސް ވިދާޅުވީ ރާއްޖޭފަދަ ތަރައްޤީވަމުން އަންނަ ކުދި ޖަޒީރާ ޤައުމަކަށް ދުރާލާ އިންޒާރުދޭ ނިޒާމުތަކަކީ ރައްޔިތުންގެ ދިރިއުޅުމާއި މުޖްތަމަޢުގެ ރައްކާތެރިކަމަށް ވަރަށް މުހިއްމު ނިޒާމެއްކަމަށެވެެ.

"ކަނޑުގެ ލޮނުގަނޑު އުފުލުމާއި ރަށްގިރުމާއި ފެންބޮޑުވުންފަދަ މޫސުމީ ބަދަލުތަކުގެ ސަބަބުން ޤައުމުގެ އިންފްރާސްޓްރަކްޗަރއާއި ފަތުރުވެރިކަމާއި މަސްވެރިކަމަށް ނުރައްކާ ދަނީ ބޮޑުވަމުން" ރައީސް ވިދާޅުވި އެވެ.

ރައީސް ވިދާޅުވި ގޮތުގައި މި ކާމިޔާބީން ދައްކުވައިދެނީ މޫސުމީ މާލީ އެހީތެރިކަން ހޯދައި، އޭގެ ފައިދާ ފޯރުކޮށްދިނުމަށް ރާއްޖޭގެ މުއައްސަސާތައް ތައްޔާރުވެފައިވާ މިންވަރެވެ.

ކަންކަން ތަންފީޒުކުރުމުގެ މުހިންމުކަމުގެ މައްޗަށް ބާރުއަޅުއްވަމުން، މޫސުމީ އަމާޒުތައް ނަތީޖާ ފެންނަނިވި ކުރިއެރުންތަކަކަށް ބަދަލުކުރުމަށްޓަކައި އެކަށީގެންވާ މާލީ އެހީތެރިކަމާއި، ޓެކްނޮލޮޖީ ބަދަލުކުރުމާއި، ސިޔާސީ ސާބިތުކަމަށް ރައީސުލްޖުމްހޫރިއްޔާ ގޮވާލެއްވިއެވެ. އަދި ކުދި ޖަޒީރާ ގައުމުތަކަށް އެ ގައުމުތަކުގެ ތަރައްގީގެ މިސްރާބު އަމިއްލައަށް ކަނޑައެޅުމުގެ ބާރުދޭ ބައިނަލްއަގުވާމީ ނިޒާމަކަށްވެސް އެމަނިކުފާނު ވަކާލާތު ކުރެއްވިއެވެ.

ބަޔާން ނިންމަވާލައްވަމުން ރައީސުލްޖުމްހޫރިއްޔާ ވަނީ އިންސާފާއި، ޒިންމާދާރުކަމާއި އަމަލީ މަސައްކަތްތަކަށް ގޮވާލައްވާފައެވެ. އަދި ބައިނަލްއަގުވާމީ ޒިންމާތަކާއި ވަޢުދުތައް ފުއްދުމުގެ ތެރެއިން، މަލްޓިލެޓަރަލިޒަމްގެ ސަބަބުން މާނަހުރި ނަތީޖާތަކެއް ނެރެވިދާނެކަން ސާބިތުކޮށްދިނުމަށް ރައީސުލްޖުމްހޫރިއްޔާ ކޮޕް-31 ގެ ބައިވެރިންނަށް ގޮވާލެއްވި އެވެ.  

ކިޔުންތެރިންގެ ޝުއޫރު
0%
0%
0%
0%
0 ކޮމެންޓް
މަގުބޫލު
އެންމެފަސް
އެންމެ ފަސް
އެންމެ މަގުބޫލު