ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ އެޑްވައިޒަރުގެ މަގާމުގައި ހުންނެވި ކާރނަލް ރިޓެއަރޑް މުޙައްމަދު ނާޒިމް އިސްތިއުފާދެއްވައިފިކަމަށް މައުލޫމާތު ލިބިއްޖެއެވެ. ޖަލުން މިނިވަންވެވަޑައިގެން ޖޭޕީއާ ގުޅިވަޑައިގަތުމަށް ފަހު ނާޒިމް އެޑްވައިޒަރަކަށް ހަމަޖައްސަވާ އެ ޕާޓީގެ ޓިކެޓުގައި ދަނގެތީ ދާއިރާއަށް ވާދަކުރައްވާ ފަސޭހަކަމާއެކު އެ ގޮނޑި ނާޒިމް ވަނީ ކާމިޔާބުކުރައްވާފައެވެ. އެހެންނަމަވެސް އިންތިޚާބަށް ފަހު ޖޭޕީ ހިނގަމުންދާ ގޮތާއިމެދު ހިތްހަމަނުޖެހޭކަން ނާޒިމް ވަނީ އިއުލާން ކުރައްވާފައެވެ. މަޖިލިސް ފެށުމަށް ފަހު ޕީޕީއެމްގައި އަދި ކުރީ ސަރުކާރުގައި އިސްކޮށް ތިބި ބޭފުޅުން ޖޭޕީއާ ގުޅުމަށް ބާއްވާ ހަފުލާތަކުގައި ނާޒިމްވެސް، ޖޭޕީގެ އެއްވެސް މަޖިލިސް މެމްބަރަކު އަދި ވަޒީރަކުވެސް ބައިވެރިވެވަޑައިނުގަންނަވައެވެ. ނާޒިމް އިސްތިއުފާ ދެއްވުމުން ވިލުފުށީ ދާއިރާގެ މެމްބަރު ރިޔާޒު ރަޝީދު ވަނީ އެމަގާމަށް އައްޔަން ކޮށްފައެވެ.