ކޮވިޑް19: ފުޓްބޯޅަ ސީޒަން ނިންމާލައިފި
އިސްމާއިލް ރިޒާ
30 މާޗް 2020 - 22:27
0 comments
ކޮވިޑް19އާ ގުޅިގެން މި އަހަރުގެ ފުޓްބޯޅަ ސީޒަން ނިންމާލަން ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ނިންމައިފި އެވެ. 
އެފްއޭއެމްއިން މިއަދު ނެރުނު ނޫސްބަޔާނުގައި ބުނީ، 20-2019 ސީޒަނުގެ އެފްއޭ ކަޕާއި ޕްރެޒިޑެންޓްސް ކަޕު ނުބާއްވައި ސީޒަން ނިންމާލުމަށް ނިންމި ނަމަވެސް، ތިންވަނަ ޑިވިޝަން ފުޓުބޯޅަ މުބާރާތް ކުރިއަށްގެންދިއުމަށް ވަނީ ނިންމައިފައެވެ. އަދި އެ މުބާރާތް އޮންނާނެ ތާރީހެއް ފަހުން އިއުލާން ކުރާނެކަމަށް ބަޔާނުގައި ބުންޏެވެ."ވީމާ އެފްއޭކަޕް ފުޓްބޯޅަ މުބާރާތައި ފްރެޒިޑެންޓްސް ކަޕް ފުޓްބޯޅަ މުބާރާތް މިއަހަރު ނޯންނާނެއެވެ."އެފްއޭއެމްގެ ބަޔާނުގައި ބުންޏެވެ.އެފްއޭ ކަޕް ކެންސަލްކުރަން ނިންމިއިރު، އެ މުބާރާތުގެ ކުއާޓާ ފައިނަލް މެޗުތައް ވަނީ ކުޅެފަ އެވެ. ސެމީ ފައިނަލް މެޗުތައް ކުރިއަށް ނުގެންދެވި އޮތީ އޭއެފްސީ ކަޕުގައި ކުޅުމަށް ބަންގްލަދޭޝަށް ޓީސީ ސްޕޯޓްސް ކްލަބް ކުރި ދަތުރަށް ފަހު ސްރީ ލަންކާގައި ކަރަންޓީންކުރަން ޖެހުމުންނެވެ.އެފްއޭއެމުން ބުނީ މި ހާލަތުގައި ދިވެހި ސަރުކާރާއި ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ދެމުންދާ އިރުޝާދާ އެއްގޮތަށް އަމަލުކުރުމުގެ ގޮތުން ހުރިހާ އެންމެންގެ ރައްކާތެރިކަމަށްޓަކައި ފުޓްބޯޅަ ސީޒަން މި ހިސާބުން ނިންމާލަން ނިންމީ ކްލަބްތަކާ އެކު ބޭއްވި މަޝްވަރާތަކަށް ފަހު ކަމަށެވެ.ބަޔާނުގައި އިތުރަށް ބުނީ، އަންނަ އަހަރުގެ އޭފްސީކަޕަށް ހޮވިފައވަނީ މި ސީޒަންގެ ދިރާގު ދިވެހި ލީގްގެ ޗެޕްޕިއަން މާޒިޔާ ސްޕޯޓްސް ކްލަބް ކަމަށެވެ. އަދި އޭފްސީ ކަޕްގެ ޕްލޭ އޮފްގެ ޖާގަ ލިބެނީ ލީގްގެ ދެވަނަ ޓީމަކަށް ދިޔަ ކްލަބް އީގަލްސް ކަމަށެވެ.ކުރިން އޮންނަ ގޮތުން އޭފްސީކަޕުން ޖާގަ ލިބެނީ ލީގް ޗެމްޕިއަން އަދި އެފްއޭކަޕްގެ ޗެމްޕިއަންއަށެވެ.މިއަހަރު ރާއްޖޭގެ ފަރާތުން އޭފްސީކަޕްގައި ކުޅެނީ މާޒިޔާ ސްޕޯޓްސް ކްލަބާއި ޓީސީ ސްޕޯޓްސް ކުލަބެވެ. ކޮރޯނާވައިރަސްއާ ގުޅިގެން އޭފްސީކަޕްގެ މިއަހަރުގެ މުބާރާތްވެސް ވަނީ މެދުކަނޑާލާފައެވެ.ކޮރޯނާވައިރަހުން ރައްކާތެރިވުމުގެ ފިޔަވަޅެއްގެ ގޮތުން، ރާއްޖޭގައި އާއްމު ސިއްހަތުގެ ކުއްލި ނުރައްކަލުގެ ހާލަތު އިއުލާނުކޮށްފައި އޮތުމުން ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެއެމް) ގެ އިންތިހާބީ ކޮންގްރެސް ވެސް ވަނީ ފަސްކޮށްފަ އެވެ. ރާއްޖޭގައި ކޮވިޑް-19 ފެތުރުން ހުއްޓުވުމުގެ ފިޔަވަޅެއްގެ ގޮތުން ސަރުކާރު އޮފީސްތަކާއި ސްކޫލްތައް ބަންދުކޮށް މިސްކިތްތަކުގައި ޖަމާއަތުގައި ނަމާދުކުރުން ވެސް މިވަގުތު އޮތީ ހުއްޓާލައިފަ އެވެ. އަދި މިއަދުގެ ހުކުރު ނަމާދު ވެސް މާލެ ސަރަހައްދުގައި ނުބާއްވަ އެވެ. ޒަރުރީ ބޭނުމެއްގައި ނޫން ގޮތަކަށް އާއްމުން ވެސް ގެއިން ބޭރަށް ނުނުކުންނަން ވަނީ އިލްތިމާސްކޮށްފަ އެވެ.
އެފްއޭއެމްއިން މިއަދު ނެރުނު ނޫސްބަޔާނުގައި ބުނީ، 20-2019 ސީޒަނުގެ އެފްއޭ ކަޕާއި ޕްރެޒިޑެންޓްސް ކަޕު ނުބާއްވައި ސީޒަން ނިންމާލުމަށް ނިންމި ނަމަވެސް، ތިންވަނަ ޑިވިޝަން ފުޓުބޯޅަ މުބާރާތް ކުރިއަށްގެންދިއުމަށް ވަނީ ނިންމައިފައެވެ. އަދި އެ މުބާރާތް އޮންނާނެ ތާރީހެއް ފަހުން އިއުލާން ކުރާނެކަމަށް ބަޔާނުގައި ބުންޏެވެ."ވީމާ އެފްއޭކަޕް ފުޓްބޯޅަ މުބާރާތައި ފްރެޒިޑެންޓްސް ކަޕް ފުޓްބޯޅަ މުބާރާތް މިއަހަރު ނޯންނާނެއެވެ."އެފްއޭއެމްގެ ބަޔާނުގައި ބުންޏެވެ.އެފްއޭ ކަޕް ކެންސަލްކުރަން ނިންމިއިރު، އެ މުބާރާތުގެ ކުއާޓާ ފައިނަލް މެޗުތައް ވަނީ ކުޅެފަ އެވެ. ސެމީ ފައިނަލް މެޗުތައް ކުރިއަށް ނުގެންދެވި އޮތީ އޭއެފްސީ ކަޕުގައި ކުޅުމަށް ބަންގްލަދޭޝަށް ޓީސީ ސްޕޯޓްސް ކްލަބް ކުރި ދަތުރަށް ފަހު ސްރީ ލަންކާގައި ކަރަންޓީންކުރަން ޖެހުމުންނެވެ.އެފްއޭއެމުން ބުނީ މި ހާލަތުގައި ދިވެހި ސަރުކާރާއި ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ދެމުންދާ އިރުޝާދާ އެއްގޮތަށް އަމަލުކުރުމުގެ ގޮތުން ހުރިހާ އެންމެންގެ ރައްކާތެރިކަމަށްޓަކައި ފުޓްބޯޅަ ސީޒަން މި ހިސާބުން ނިންމާލަން ނިންމީ ކްލަބްތަކާ އެކު ބޭއްވި މަޝްވަރާތަކަށް ފަހު ކަމަށެވެ.ބަޔާނުގައި އިތުރަށް ބުނީ، އަންނަ އަހަރުގެ އޭފްސީކަޕަށް ހޮވިފައވަނީ މި ސީޒަންގެ ދިރާގު ދިވެހި ލީގްގެ ޗެޕްޕިއަން މާޒިޔާ ސްޕޯޓްސް ކްލަބް ކަމަށެވެ. އަދި އޭފްސީ ކަޕްގެ ޕްލޭ އޮފްގެ ޖާގަ ލިބެނީ ލީގްގެ ދެވަނަ ޓީމަކަށް ދިޔަ ކްލަބް އީގަލްސް ކަމަށެވެ.ކުރިން އޮންނަ ގޮތުން އޭފްސީކަޕުން ޖާގަ ލިބެނީ ލީގް ޗެމްޕިއަން އަދި އެފްއޭކަޕްގެ ޗެމްޕިއަންއަށެވެ.މިއަހަރު ރާއްޖޭގެ ފަރާތުން އޭފްސީކަޕްގައި ކުޅެނީ މާޒިޔާ ސްޕޯޓްސް ކްލަބާއި ޓީސީ ސްޕޯޓްސް ކުލަބެވެ. ކޮރޯނާވައިރަސްއާ ގުޅިގެން އޭފްސީކަޕްގެ މިއަހަރުގެ މުބާރާތްވެސް ވަނީ މެދުކަނޑާލާފައެވެ.ކޮރޯނާވައިރަހުން ރައްކާތެރިވުމުގެ ފިޔަވަޅެއްގެ ގޮތުން، ރާއްޖޭގައި އާއްމު ސިއްހަތުގެ ކުއްލި ނުރައްކަލުގެ ހާލަތު އިއުލާނުކޮށްފައި އޮތުމުން ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެއެމް) ގެ އިންތިހާބީ ކޮންގްރެސް ވެސް ވަނީ ފަސްކޮށްފަ އެވެ. ރާއްޖޭގައި ކޮވިޑް-19 ފެތުރުން ހުއްޓުވުމުގެ ފިޔަވަޅެއްގެ ގޮތުން ސަރުކާރު އޮފީސްތަކާއި ސްކޫލްތައް ބަންދުކޮށް މިސްކިތްތަކުގައި ޖަމާއަތުގައި ނަމާދުކުރުން ވެސް މިވަގުތު އޮތީ ހުއްޓާލައިފަ އެވެ. އަދި މިއަދުގެ ހުކުރު ނަމާދު ވެސް މާލެ ސަރަހައްދުގައި ނުބާއްވަ އެވެ. ޒަރުރީ ބޭނުމެއްގައި ނޫން ގޮތަކަށް އާއްމުން ވެސް ގެއިން ބޭރަށް ނުނުކުންނަން ވަނީ އިލްތިމާސްކޮށްފަ އެވެ. ގުޅުންހުރި ލިޔުންތައް
ކިޔުންތެރިންގެ ޝުއޫރު
0%
0%
0%
0%
0 ކޮމެންޓް
މަގުބޫލު
އެންމެފަސް
އެންމެ ފަސް
އެންމެ މަގުބޫލު
