ޚަބަރު
9 ރަށެއްގައި ޑަބްލިއުޑީސީ އިންތިޚާބުގެ ކެންޑިޑޭޓުންގެ ގުރުއަތުލުން މިއަދު ހަވީރު ބާއްވަނީ!
ފޮޓޯ: ޖަޒީރާ
9 ރަށެއްގައި ޑަބްލިއުޑީސީ އިންތިޚާބުގެ ކެންޑިޑޭޓުންގެ ގުރުއަތުލުން މިއަދު ހަވީރު ބާއްވަން ނިންމައިފި އެވެ.

އިލެކްޝަންސް ކޮމިޝަނުން ބުނީ އަންނަ އޮގަސްޓު މަހުގެ 07 ވަނަ ދުވަހު ބޭއްވުމަށް ހަމަޖެހިފައިވާ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބަށް ކުރިމަތިލާފައިވާ ކެންޑިޑޭޓުންގެ ގުރުއަތުނެގުން މިއަދު ބާއްވާގޮތަށް ނިންމާފައިވާ ކަމަށެވެ.

އެގޮތުން މިއަދު ހަވީރު 16:30 ގައި ގުރުއަތުލުން އޮންނާނީ ހދ. ނޮޅިވަރަމު، ނޭކުރެންދޫ، ބ. ފުޅަދޫ، ކ. ދިއްފުށީ، އއ. ފެރިދޫ ، ވ. ރަކީދޫ، މ. ރަތްމަންދޫ، ލ. މާބައިދޫ އަދި ނ. ކެނދިކުޅުދޫ ކަމަށެވެ.

އީސީން ބުނީ އެދާއިރާތަކުގެ ގުރތުއަތު ނެގުމާއި، ނަން ތަރުތީބުކުރުމަށް ހަމަޖެހިފައިވަނީ އެރަށެއްގެ ކައުންސިލް އިދާރާގައި ކަމަށެވެ. އަދި އިންތިޚާބުގައި ވާދަކުރާ ކެންޑިޑޭޓުން ކަނޑައެޅިފައިވާ ގަޑިއަށް ގުރުއަތުނަގާ ތަނަށް ދިއުމަށް އީސީން ވަނީ އެދިފަ އެވެ.

ކެންޑިޑޭޓަށް ހާޒިރުވެވެން ނެތްނަމަ، ކެންޑިޑޭޓުގެ ފަރާތުން ބަދަލުގައި ދާ ފަރާތެއް ބަޔާންކޮށް، ކެންޑިޑޭޓުގެ ސިޓީއަކާއެކު ދިއުމަށާއި ކެންޑިޑޭޓު ނުވަތަ ބަދަލުގައި މީހަކު ހާޒިރު ނުވާނަމަ، ކެންޑިޑޭޓުގެ ބަދަލުގައި ގުރުއަތު ނަގާނީ އިލެކްޝަންސް ކޮމިޝަނުގެ ފަރާތުން ކަމަށް އެކޮމިޝަނުން ވަނީ ބުނެފަ އެވެ. 

އަންހެނުންގެ ތަރއްޤީއަށް މަސައްކަތްކުރާ ކޮމިޓީގެ ބައި-އިލެކްޝަން ބާއްވަން ހަމަޖެހިފައި މިވަނީ އިންތިޚާބު ކުރަންޖެހޭ އަދަދަށްވުރެ މަދުން މީހުން ކުރިމަތިލާފައިވާ ދާއިރާތަކަށާއި އެއްވެސް މީހަކު ކުރިމަތިލާފައިނުވާ ދާއިރާތަކާއި ދެވަނަ ބުރުގައި އެއްވަރުވި ދާއިރާތަކުގެ ކަމަށް އިލެކްޝަންސް ކޮމިޝަނުން ބުނެއެވެ.

ކިޔުންތެރިންގެ ޝުއޫރު
0%
0%
0%
0%
0 ކޮމެންޓް
މަގުބޫލު
އެންމެފަސް
އެންމެ ފަސް
އެންމެ މަގުބޫލު