ފުރަތަމަ ސަފުހާ
ޚަބަރު
ރިޕޯޓު
ދުނިޔެ
ވިޔަފާރި
ކުޅިވަރު
ދީން
ލައިފްސްޓައިލް
ފޮޓޯ
ކޮލަމް
ވާހަކަ
ޚަބަރު
ރިޕޯޓު
ދުނިޔެ
ވިޔަފާރި
ކުޅިވަރު
ދީން
ލައިފްސްޓައިލް
ފޮޓޯ
ކޮލަމް
ވާހަކަ
ޚަބަރު
އެމްޑީޕީ މެންބަރުން ހުރަސްއަޅައި ޖަލްސާ ހުއްޓުވާލައިފި
މަރިޔަމް އަނާ
12 ޖޫން 2023 - 12:50
0
comments
Tweet
Telegram
ރައްޔިތުންގެ މަޖިލީހުގެ ޖަލްސާ ކުރިއަށް ނުގެންދެވުމުން މިއަދުގެ ޖަލްސާ ނިންމާލައިފި އެވެ.
މިއަދުގެ ޖަލްސާ ފެށުމުގެ ކުރިން، އެ ޖަލްސާގައި މަޖިލީހުގެ އަމީން އާންމު ފާތުމަތު ނިޔުޝާ ވިދާޅުވީ، މަޖިލީހުގެ ރައީސް މުހައްމަދު ނަޝީދާއި ނައިބު ރައީސް އީވާ އަބްދުﷲގެ މައްޗަށް ހުށަހަޅާފައިވާ އިތުރުބާރު ނެތް ކަމުގެ މައްސަލައާ ގުޅިގެން، އެ ދެ ބޭފުޅުން ރިޔާސަތުގައި އިންނެވުމަށް ވަގުތީ ގޮތުން އުޒުރުވެރިވެވަޑައިގެން މަޖިލީހަށް އަންގަވާފައިވާ ކަމަށެވެ. އަދި މަޖިލީހުގެ ގަވައިދުގެ 44 ވަނަ މާއްދާގެ (ބ)ގެ ދަށުން ޖަލްސާގެ ރިޔާސަތު ބެލެހެއްޓުމަށް ނިޔުޝާ ވަނީ ހަސަން އަފީފަށް ދައުވަތު ދެއްވާފަ އެވެ.
މިއަދުގެ މަޖިލިސް ފެށީ އިއްޔެ އަވަހަރާވި ރައްޔިތުންގެ މަޖިލީހުގެ ކުރީގެ މެމްބަރު އަބްދުﷲ ޖަމީލުގެ ހަނދާނުގައި ގެނައި ސުލޫތަކުން ނެވެ.
ސުކޫތައް ފަހު، މަޖިލީހުގެ މިއަދުގެ ޖަލްސާގައި ސަރުކާރަށް ތާއީދުކުރާ ބައެއް މެންބަރުން ވަނީ ނިޒާމީ މައްސަލަ ނަންގަވާ މަޖިލީހުގައި އަޑުގަދަ ކުރައްވާފަ އެވެ.
މެންބަރުން ނިޒާމީ މައްސަލަ ނަންގަވާ އަޑުގަދަ ކުރަމުންދިޔައީ މަޖިލީހުގެ ރިޔާސަތުގައި ވިލުފުށި ދާއިރާގެ މެންބަރު ހަސަން އަފީފު އިންނެވި ސަބަބު ސާފުކުރުމަށާއި ނައިބު ރައީސް އީވާ އަބްދުﷲގެ އިތުބާރު ނެތްކަމުގެ މައްސަލަ އެޖެންޑާ ނުކުރުމުންނެވެ.
މެންބަރުން އަޑުގަދަކުރުމުން މިއަދުގެ ޖަލްސާ ކުޑަ ވަގުތުކޮޅަކަށް މެދުކަނޑާލި އެވެ. ޖަލްސާ މެދުކަނޑާލުމަށްފަހު އަލުން ފެށުމަށްފަހު ކުރިއަށް ގެންދިޔައީ މަޑުއްވަރި ދާއިރާގެ މެންބަރު އާދަމް ޝަރީފު ހުށަހެޅުއްވި ކުއްލި މައްސަލަ އެވެ.
އާދަމް ޝަރީފު ކުއްލި މައްސަލަ ހުށަހަޅަމުންދިޔައިރު ސަރުކާރަށް ތާއީދުކުރައްވާ ބައެއް މެންބަރުން ދިޔައީ އާދަމް ޝަރީފު މޭޒުކޮޅު ކައިރީގައި ހުންނަވައިގެން އަޑުގަދަކުރައްވާފަ އެވެ.
"މަޖިލީހުގެ ގަވައިދުގައި، މަޖިލީހުގެ ރައީސް އަދި ނައިބު ރައީސް ރިޔާސަތާ ހަވާލުވެވަޑައިގަތުމަށް އުޒުރުވެވަޑައިގަތީމަ އަދި އެ ނޫން ހާލަތުގައި ރިޔާސަތު އެހެން މެންބަރަކާ ހަވާލު ކުރައްވަނީ މަޖިލީހުގެ ރައީސް،" އަފީފް ވިދާޅުވި އެވެ.
ނަމަވެސް، ސަރުކާރުގެ މެންބަރުން ގެންދެވީ ހުއްޓުމެއް ނެތި ނިޒާމީ ނުކުތާތައް ފުލުފުލުގައި ނަންގަވަމުންނެވެ.
އެއާ އެކު، އަފީފް ވަނީ ނިޒާމް ގެއްލިފައިވާ ކަމަށް ވިދާޅުވެ، މިދިޔަ ހަފްތާގައި ބޭއްވި ޖަލްސާތަކެކޭ އެއްފަދައިން މިއަދުގެ ޖަލްސާ ވެސް ނިންމަވާލައްވާފަ އެވެ.
މާދަމާ ވެސް މަޖިލީހުގެ ޖަލްސާއެއް ބާއްވަން ވަނީ ތާވަލް ކޮށްފައެވެ.
ރައީސް ނަޝީދުގެ އިތުބާރު ނެތްކަމުގެ މައްސަލަ ހުށަހަޅާފައިވާތީ މަޖިލީހުގެ ރިޔާސަތު ބެލެހެއްޓެވުމަށް އުޒުރުވެރިވެވަޑައިގަންނަވާ ކަމަށް ރައީސް ނަޝީދު ވަނީ މަޖިލީހުގެ އަމީންއާންމަށް އިއްޔެ އަންގަވާފަ އެވެ. ރައީސް ނަޝީދުގެ އިތުބާރު ނެތް ކަމުގެ މައްސަލަ ރައްޔިތުންގެ މަޖިލީހަށް ހުށަހެޅީ މިމަހުގެ ހަތް ވަނަ ދުވަހު އެވެ.
ރައްޔިތުންގެ މަޖިލީހުގެ 50 މެންބަރުން ސޮއިކޮށް އީވާ މަގާމުން ވަކިކުރަން ހުށަހެޅީ މިދިޔަ މަހުގެ 23 ވަނަ ދުވަހު އެވެ.
Tweet
Telegram
ގުޅުންހުރި ލިޔުންތައް
4 ދުވަސް ކުރިން
0
މައިނޯރިޓީއަށް އިހުތިރާމްކުރާނަން: ސަލީމް
4 ދުވަސް ކުރިން
0
އާ މަޖިލިސް ހުވާ ކުރުން މޭ 28 ގައި
5 ދުވަސް ކުރިން
1
ޕީއެންސީގެ ކާމިޔާބީ އަށް ނަޝީދުގެ މަރުހަބާ
16 ދުވަސް ކުރިން
0
ސަފީރުންނަށް ރުހުން ދިނުން ލަސްވާތީ ރައީސްގެ ކަންބޮޑުވުން
ކިޔުންތެރިންގެ ޝުއޫރު
0%
0%
0%
0%
ފޮނުވާ
0 ކޮމެންޓް
މަގުބޫލު
އެންމެފަސް
އެންމެ ފަސް
އެންމެ މަގުބޫލު
ބީއެމްއެލްއިން މުވައްޒަފުންގެ އަގުވަޒަންކޮށްފި
5 ގަޑިއިރު ކުރިން
0
އަބްދުއްރަހީމް، މަޖިލިހުގެ ރައީސްކަމަށް...!
5 ގަޑިއިރު ކުރިން
0
ތުރުކީއަށް 214 ބާވަތަކުން ސުން ޕަސަންޓުގައި އެކްސްޕޯޓް ކުރެވޭ ގޮތް ހަދަނީ
22 ގަޑިއިރު ކުރިން
0
ވަގު ސިމް ހުއްޓުވަން ޑީއެންއާރާއިި ދިރާގުން އެއްބަސްވުމަކަށް
23 ގަޑިއިރު ކުރިން
0