މަޓާޓޯ އިިން އިންޑިއާގެ އަޔާޓޯއާއެކު އެއްބަސްވުމެއް

ހަސަން ހަލީމް

27 މެއި 2024 - 22:17

0 comments

ދެ ގައުމުގެ ދެމެދުގައި ފަތުރުވެރިކަން ކުރިއެރުވުމަށް މޯލްޑިވްސް އެސޯސިއޭޝަންސް އޮފް ޓްރެވަލް އޭޖެންޓްސް އެންޑް ޓުއާ އޮޕަރޭޓާސް (މަޓާޓޯ)އިން އިންޑިއަން އެސޯސިއޭޝަން އޮފް ޓުއާ އޮޕަރޭޓާސް (އަޔާޓޯ)އާއެކު މިއަދު އެމްއޯޔޫއެއްގައި ސޮއިކޮށްފިއެވެ.

މި އެއްބަސްވުމުގެ ދަށުން، ޖޮއިންޓް މާކެޓިން އިނިޝިއޭޓިވްސް މެދުވެރިކޮށް ބައިލެޓަރަލް ޓޫރިޒަމް ކުރިއަރުވާ، ޚިދުމަތުގެ މިންގަނޑުތަކާއި އޮޕަރޭޝަނަލް އެފިޝަންސީތައް ރަނގަޅު ކުރުމަށް އެންމެ ރަނގަޅު އުޞޫލުތައް ޙިއްސާކޮށް، ގުޅިގެން އިވެންޓްތަކާއި ރޯޑްޝޯ އަދި ފެއާތައް އިންތިޒާމްކުރުމުގެ އިތުރުން، ދެގައުމަށް ވެސް ފައިދާހުރި ދެމެހެއްޓެނިވި ފަތުރުވެރިކަމުގެ އުޞޫލުތައް ޕްރޮމޯޓްކުރުމަށް ވަނީ ހަމަޖެހިފަ އެވެ.

މަޓާޓޯއިން ބުނި ގޮތުގައި، ކުރިއަށް އޮތް ރޯޑްޝޯއަކީ ރާއްޖޭގެ ފަތުރުވެރިކަން އިންޑިއާއަށް ދެއްކުމަށް ފަރުމާކޮށްފައިވާ އިވެންޓެކެވެ. އަދި، އެންމެ ރަނގަޅު ދަތުރުފަތުރުތައް އޮންނަ މުމްބާއިއާއި ނިއުދިއްލީގެ އިތުރުން ބެންގަލޫރުފަދަ ބޮޑެތި ސިޓީތަކުގައި މި ރޯޑްޝޯ ބޭއްވުމަށް ނިންމާފައިވާ ކަމަށް އެ ބަޔާނުގައިވެއެވެ.