ސިހުރު ހެދިކަމުގެ ތުހުމަތު އޮތް މީހާ މަސް ދުވަހަށް ފަހު ދޫކޮށްލައިފި

އަލީ ރާޒީ

05 ޖޫން 2024 - 22:41

0 comments

ސިހުރު ހެދިކަމުގެ ތުހުމަތުގައި މިދިޔަ މަހުގެ ތެރޭގައި ށ. ފުނަދޫން ހައްޔަރުކުރި މީހާ ދޫކޮށްލައިފި އެވެ.

ފުނަދޫ ގައި ސިހުރު ހެދި ކަމުގެ ތުހުމަތު ގައި ހައްޔަރުކުރި މީހާގެ މައްޗަށް ދެ ފަހަރު މަތީން 15 ދުވަހުގެ ބަންދުގެ މުއްދަތެއް ކޯޓުން ޖަހައި ދިނެވެ. އޭނާ ދޫކޮށްލީ ވެސް ކޯޓުންނެވެ.

ފުލުހުން ބުނީ އެމީހާ ކޯޓުން ދޫކޮށްލީ ބަންދުގެ މުއްދަތު އިތުރު ކުރުމަށް ހާޒިރު ކުރުމުން ކަމަށެވެ.

އެ މީހާ ސިހުރު ހެދި ކަމަށް ތުހުމަތުކޮށްފައި ވަނީ ފުނަދޫ ދާއިރާގެ އާ މަޖިލިސް މެންބަރު މުހައްމަދު މަމްދޫހު (މަންޑޭ) އަށް އަމާޒުކޮށް ކަމަށް ބުނެ އޭނާގެ ސަޕޯޓަރުން އެ މީހާއާ ދެކޮޅަށް މުޒަހަރާ ވެސް ކޮށްފައިވެ އެވެ.

ރާއްޖޭގައި ސިހުރުގެ ވަބާގެ ނުރައްކާ ވަނީ ވަރަށް ބޮޑުވެފައެވެ. ސިހުރު ޖެހި އެތައްބައެއްގެ ދިރިއުޅުން ވަނީ ގެއްލިފައެވެ. ސިހުރަކީ މާތްﷲ ހަރާމް ކުރެއްވި ބޮޑެތި ހަތް ފާފައިގެ ތެރޭގައި ހިމެނޭ ނުބައި އަމަލެކެވެ.