ކުޑަހުވަދޫ ރައީސްގެ ގޮނޑި ކޮންގްރެސްއަށް،، ގަމު ގޮނޑި އެމްޑީޕީއަށް

އަލީ ރާޒީ

15 ޖޫން 2024 - 11:45

0 comments

ތިން ރަށެއްގައި އިއްޔެ ބޭއްވި ބައި އިލެކްޝަންތައް ސަރުކާރު ހިންގާ ކޮންގްރެސް ޕާޓީގެ ކެންޑިޑޭޓަކާއި އެމްޑީޕީގެ ކެންޑިޑޭޓެއް އަދި އަމިއްލަ ގޮތުން ވާދަކުރި ކެންޑިޑޭޓަކު ކާމިޔާބު ކޮށްފި އެވެ.

އެގޮތުން ކުޑަހުވަދޫ ކައުންސިލްގެ ރައީސްގެ ބައި-އިލެކްޝަން ކޮންގްރެސްގެ ކެންޑިޑޭޓް ޖާދުﷲ ހަމީދު ކާމިޔާބުކޮށްފައިވަނީ 200 އެއްހައި ވޯޓުގެ ތަފާތުންނެވެ. މ. މުލަކު ކައުންސިލްގެ އަންހެން މެންބަރުގެ ބައި-އިލެކްޝަން އެ ގޮނޑިއަށް އަމިއްލަގޮތުން ކުރިމަތިލި، ރީމާ ހުސެއިން ވަނީ ކާމިޔާބުކޮށްފަ އެވެ. ލ. ގަމު ކައުންސިލްގެ މެންބަރު ކަމުގެ ބައި-އިލެކްޝަން ކާމިޔާބުކުރީ އިދިކޮޅު އެމްޑީޕީގެ ކެންޑިޑޭޓު އަފްސަލް ޖައުފަރު އެވެ.

އިލެކްޝަންސް ކޮމިޝަނުން ވިދާޅުވީ ޖުމްލަ 13 ފޮއްޓެއް ވޯޓުލުމަށް ބަހައްޓާފައިވާ މި ބައި-އިލެކްޝަންތަކުގައި 7401 މީހަކަށް ވޯޓުލުމުގެ ޙައްޤު ލިބިފައިވާކަމަށެވެ.