އޯއައިސީގެ ފިގުހު އެކަޑެމީގެ މެންބަރަކަށް ޝަހީމް

އަލީ ރާޒީ

21 އޯގަސްޓް 2024 - 11:20

0 comments

އޮގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ) ގެ އިންޓަނޭޝަނަލް އިސްލާމިކް ފިގުހު އެކަޑަމީގެ މެންބަރަކަށް އިސްލާމިކް ރާއްޖޭގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު އައްޔަންކޮށްފި އެވެ.

އިސްލާމިކް މިނިސްޓްރީން އެކްސްގައި ކުރި ޕޯސްޓެއްގައި ވިދާޅުވީ އޮގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ)ގެ އިންޓަރނޭޝަނަލް އިސްލާމިކް ފިގުހު އެކަޑަމީގެ މެމްބަރަކަށް އިސްލާމީ ކަންތައްތަކާ ބެހޭ މިނިސްޓަރު ޝަހީމް އައްޔަންކުރައްވާފައިވާ ކަމަށެވެ.

ޝަހީމް ކުރިން ކުރިން އޯއައިސީގެ ސެކްރެޓަރީ ޖެނެރަލްގެ އެޑްވައިޒަރުކަމާއި، އޯއައިސީގެ ވޮއިސް އޮފް ވިސްޑަމް ސެންޓަރުގެ އިންޗާޖުކަން ވެސް ކުރައްވާފައިވެ އެވެ. އަދި މުސްލިމު ވޯލްޑް ލީގް (ރާބިތަތުލް އާލަމީލް އިސްލާމީ) ގެ އެންމެ މަތީ މަޖިލީހުގެ މެންބަރަކަށް ވެސް މި އަހަރުގެ އޭޕްރިލް މަހު ޝަހީމް އައްޔަންކޮށްފައިވެ އެވެ.

ރާއްޖޭގެ އެންމެ ފާހަގަކޮށްލެވޭ ދީނީ އިލްމުވެރިންގެ ތެރޭގައި ހިމެނިވަޑައިގަންނަވާ ޝަހީމަކީ ދުނިޔޭގެ އެންމެ ނުފޫޒު ގަދަ 500 މުސްލިމު ލީޑަރުންގެ ލިސްޓުގައި ވެސް ހިމެނިވަޑައިގެންނެވި ބޭފުޅެކެވެ.