އެމްޑަބްލިޔުއެސްސީ އިން ކޮންޑިއުޓް ހޮޅި ލޯންޗުކޮށްފި

މަރިޔަމް އަނާ

29 އޯގަސްޓް 2024 - 21:03

0 comments

ކަރަންޓު ނަރަށް ލިބޭ ގެއްލުމުން ރައްކާތެރިކުރުމަށް ބޭނުންކުރާ ކޮންޑިއުޓް ހޮޅި އެމްޑަބްލިޔުއެސްސީން އުފައްދައި މާކެޓަށް ނެރެފި އެވެ.

އެމްޑަބްލިޔުއެސްސީ އިން ބުނީ ބައިނަލްއަގްވާމީ މިންގަނޑުތަކާ އެއްގޮތަށް ހޮޅި އުފައްދަނީ ގުޅީފަޅުގައި ހުންނަ އެ ކުންފުނީގެ ހޮޅި އުފައްދާ ފެކްޓްރީގައި ކަމަށެވެ.

އެ ކުންފުނިން ބުނީ މިއީ ކުންފުނީގެ ތާރީހުގައި ފާހަގަކޮށްލެވޭ އާ ހަރުފަތަކަށް ވާސިލް ވެވުނު ދުވަހެއް ކަމަށެވެ.

ކޮންޑިއުޓް ހޮޅި ލޯންޗުކުރީ ލޯކަލް ގަވަރުމަންޓް މިނިސްޓަރު އާދަމް ޝަރީފު އުމަރާއި އެމްޑަބްލިޔުއެސްސީގެ މެނޭޖިން ޑިރެކްޓަރު އަބްދުލްމަތީން މުހައްމަދެވެ.

މި ރަސްމިއްޔާތުގައި މި ހޮޅީގެ ފުރަތަމަ ކަސްޓަމަރަށް ހޮޅި ވަނީ ހަވާލުކޮށްފަ އެވެ. މި ހޮޅި ގަތް ފުރަތަމަ ކަސްޓަމަރަކީ ހާޑްވެއާ ލެބެވެ.

މިއީ ރާއްޖޭގައި މީގެ ހޮޅި އުފެއްދި ފުރަތަމަ ފަހަރެވެ. މިއީ ކަރަންޓު ނަރުތައް އެކި ގެއްލުން ތަކުން ރައްކާތެރިކޮށްދޭ ހޮޅިއެކެވެ.