ސައުދީއަށް ކަނޑައަޅާ ސަފީރު ކަމަށް ސަރީރު އައްޔަންކުރަން ރުހުން ދީފި

އަލީ ރާޒީ

29 އޮކްޓޫބަރ 2024 - 14:06

0 comments

ރާއްޖެ އިން ސައުދީ އަރަބިއްޔާ އަށް ކަނޑައަޅާ އާ ސަފީރަކަށް ކުރީގެ ފޮރިން ސެކްރެޓަރީ އަހުމަދު ސަރީރު އައްޔަން ކުރަން ރައްޔިތުންގެ މަޖިލީހުން މިއަދު ރުހުން ދީފި އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި ރާއްޖެއިން ސައުދީއަށް ކަނޑައަޅާ ސަފީރު ކަމަށް ސަރީރު އައްޔަންކުރަން މަޖިލީހުން ފާސްވީ ވޯޓު ދެއްވި 86 މެންބަރުންގެ އިއްތިފާގުންނެވެ.

މީގެ އިތުރުން ރާއްޖެއިން އެމެރިކާއަށް ކަނޑައަޅާފައިވާ ސަފީރުގެ މަގާމު ވެސް އޭނާ އަދާ ކުރެއްވި އެވެ. ސަރީރު ވަނީ 1986 ވަނަ އަހަރުން ފެށިގެން ހާރިޖީ ދާއިރާގެ އެކި މަގާމުތައް އަދާ ކުރައްވައިފަ އެވެ.

ސައޫދީގައި ހުންނަވާ ރާއްޖޭގެ ސަފީރުގެ މަގާމަށް މީގެ ކުރިން މަޖިލީހުން ވަނީ ނ. ހޮޅުދޫ އުފަންވެލި، ތޯހާ މުހައްމަދުގެ ނަން ވެސް ފާސްކޮށްފަ އެވެ. ނަމަވެސް ފަހުން އޭނާ ވަނީ ޕާކިސްތާނުގައި ހުންނަވާ ރާއްޖޭގެ ސަފީރުގެ މަގާމަށް ބަދަލުކޮށްފަ އެވެ.