މީރާގެ ޑެޕިއުޓީ ކޮމިޝަނަރަކަށް އަމީޒާ އައްޔަންކުރަން ރުހުންދީފި

އަލީ ރާޒީ

06 ނޮވެމްބަރ 2024 - 15:02

0 comments

ޑެޕިއުޓީ ކޮމިޝަނަރަ ޖެނެރަލް އޮފް ޓެކްސޭޝަންގެ މަގާމަށް ފާތިމަތު އަމީޒާ އައްޔަން ކުރަން ރައްޔިތުންގެ މަޖިލީހުން ފާސްކޮށްފި އެވެ.

މީރާގެ ޑެޕިއުޓީ ކޮމިޝަނާ ޖެނަރަލްގެ މަގާމަށް ކުރިމަތިލުމަށް އާންމުކޮށް ހުޅުވާލުމުން ކުރިމަތިލެއްވި ބޭފުޅުންގެ ތެރެއިން ރައީސްއަށް ފެނިވަޑައިގަންނަވާ ދެ ބޭފުޅެއްގެ ނަން މަޖިލީހަށް ފޮނުއްވެވީ މިދިޔަ އޮކްޓޫބަރު މަހު އެވެ.

އަމީޒާއަށް ރުހުން ދޭން މަޖިލީހުން ފާސްވުމުން ދެވަނަ އަށް އޮތް ނަމަށް ވޯޓަށް އަހާފައިނުވެ އެވެ.

އަމީޒާ މިހާރު ހުންނެވީ މޯލްޑިވްސް އިންލެންޑް ރެވެނިއު އޮތޯރިޓީ (މީރާ) ގެ އެސިސްޓެންޓް ކޮމިޝަނަ ޖެނެރަލް އެންފޯސްމެންޓްގެ މަގާމުގަ އެވެ.

ޑެޕިއުޓީ ކޮމިޝަނަ ޖެނެރަލް އޮފް ޓެކްސޭޝަންގެ މަޤާމަށް އާ ބޭފުޅަކު އައްޔަން ކުރަނީ އަސްމާގެ މަޤާމުގެ މުއްދަތު މިދިޔަ މަހުގެ 31 އަށް ހަމަވެފައިވާތީ އެވެ.