ގުރައިދޫގައި މަރުވި ތުއްތު ކުއްޖާގެ ހަށިގަނޑު ވަޅުލައިފި

އަހުމަދު ނިހާން

22 ޑިސެމްބަރ 2024 - 21:37

0 comments

ކ. ގުރައިދޫގައި ނިޔާވި ހަތަރު މަހުގެ ކުއްޖާގެ ހަށިގަނޑު ޕޯސްޓްމޯޓަމް ހެދުމަށް ފަހު މިއަދު ވަޅުލައިފި އެވެ.

ހަތަރު މަހުގެ މި ކުއްޖާގެ ހަށިގަނޑު ވަޅުލީ މިއަދު އަސުރު ނަމާދަށްފަހު ހުޅުމާލެ ސަހަރާ ގައެވެ. މި ކުއްޖާ މަރުވީ މިދިޔަ ހުކުރު ދުވަހުގެ ރޭ ދަންވަރުގެ ވަގުތެއްގަ އެވެ.

ކުއްޖާގެ މަރުގައި ޝައްކު އުފެދުނީ މަރުވެފައި އޮތް އިރު ނޭފަތުން ލޭ އައިސްފައި ހުރުމުންނެވެ.

ގުރައިދޫގައި ނިޔާވި އެ ކުއްޖާގެ ހަށިގަނޑު އޮޓޮޕްސީ ހެދުމަށްޓަކައި ފޮނުވަން ނިންމީ މަރުގައި ޝައްކުކުުރެވޭ ކަންތައްތަކެއް ހުރުމުން ކަމަށް ފުލުހުން ބުނެފައިވެ އެވެ.

ޕޯސްޓްމޯޓަމް ރިޕޯޓާ ގުޅޭގޮތުން ފުލުހުން އަދި ވަކި އެއްޗެއް ނުބުނެ އެވެ.