ބްރޯޑް ކޮމްގެ ނައިބަށް ޖިންސީ ގޯނާގެ ތުހުމަތުކޮށް މައްސަލަ ބަލަން ފަށައިފި

މަރިޔަމް އަނާ

22 ޖެނުއަރީ 2025 - 12:39

0 comments

މޯލްޑިވްސް ބްރޯޑްކާސްޓިން ކޮމިޝަންގެ ނައިބު ރައީސް މުހައްމަދު ފަޒީން

މޯލްޑިވްސް ބްރޯޑްކާސްޓިން ކޮމިޝަން (ބްރޯޑްކޮމް)ގެ ނައިބު ރައީސް މުހައްމަދު ފަޒީން އެ ކޮމިޝަންގެ އަންހެން މުވައްޒަފަކަށް ޖިންސީ ފުރައްސާރަކުރި މައްސަލައެއް ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމެޓީން ބަލަން ފަށައިފި އެވެ.

އެ މައްސަަލައާ ގުޅިގެން ކޮމިޓީގެ ބައްދަލުވުމެއް ހޯމަ ދުވަހު ބާއްވާފައިވެ އެވެ. އަދި މައްސަލައާ ގުޅިގެން އިއްޔެ ހެނދުނު 11:00 ގައި ޖަވާބުދާރީވާން ފަޒީން ކޮމިޓީ އަށް ހާޒިރުކުރި އެވެ.

ނަމަވެސް ދެ ކޮމީޓި ބައްދަލުވުންވެސް ކުރިއަށް ދިޔައީ ސިއްރުކޮށްގެންނެވެ.

ބްރޯޑްކޮމްގެ މެންބަރަކަށް ފަޒީން އައްޔަންކޮށްފައިވަނީ 7 މާޗު 2021ގަ އެވެ. އެ ކޮމިޝަނުގެ ނައިބު ރައީސްގެ މަގާމަށް އޭނާ އައްޔަންކޮށްފައިވަނީ 19 ޖެނުއަރީ 2023ގަ އެވެ.

ޒީންގެ މައްސަލައެއް ބަލަމުން އަންނައިރު، ބްރޯޑްކޮމްގެ ހުސްވެފައިވާ ދެ މަގާމަށް އައްޔަންކުރުމަށް ރައްޔިތުންގެ މަޖިލީހުން ރުހުން ދީފައިވާ މުހައްމަދު އަބްދުﷲ (މުހައްމާ) އާއި އައިމިނަތު ސަރާހަތު އިއްޒަތު ވަނީ އައްޔަންކޮށްފަ އެވެ.