އޭސީސީގެ ނައިބަކަށް ނާޝިދު އައްޔަންކުރަން ރައީސް ހުށަހަޅުއްވައިފި

އަލީ ރާޒީ

10 ފެބުރުއަރީ 2025 - 11:32

0 comments

އަހުމަދު ނާޝިދު އޭސީސީގެ މެންބަރުކަމަށް އައްޔަންކުރެއްވުން -- ފޮޓޯ: ރައީސް އޮފީސް

އެންޓި ކޮރަޕްޝަން ކޮމިޝަން (އޭސީސީ)ގެ ނައިބު ރައީސްކަމުގެ މަގާމަށް، އެ ކޮމިޝަންގެ މެމްބަރަކަށް މި ފަހުން އައްޔަނުކުރެއްވި އަހުމަދު ނާޝިދު އައްޔަނުކުރައްވަން، ރައްޔިތުންގެ މަޖިލީހުގެ ރުހުން ހޯދަން ފޮނުއްވައިފި އެވެ.

މިދިޔަ މަހުގެ 26ވަނަ ދުވަހު މަޖިލީހަށް ފޮނުއްވި ސިޓީގައިވަނީ ނާޝިދު އެ މަގާމަށް އައްޔަންކުރުމާމެދު މަޖިލީހުން ގޮތެއް ނިންމައި ފާސްކޮށްދިނުމަށް އެދިވަޑައިގެންފަ އެވެ.

އެއާއެކު ނާޝިދު މަގާމަށް އައްޔަންކުރުމާމެދު ގޮތެއް ނިންމުމަަށް މިނިވަން މުއައްސަސާތަކާ ބެހޭ ކޮމިޓީއަށް ނަން ދިރާސާކުރުމަށް ވަނީ ފޮނުވައިފައެވެ.

ނާޝިދަކީ މީގެކުރިން ޕޮލިސް ބޯޑްގެ މެންބަރުކަމާއި، އެސިސްޓަންޓް ކޮމިޝަނާ އޮފް ޕޮލިސްގެ މަގާމު ފުރުއްވާފައިވާ ބޭފުޅެކެވެ.

އޭސީސީގެ ގާނޫނަށް މިދިޔަ އަހަރުގެ ތެރޭގައި ގެނައި އިސްލާހުގެ ދަށުން، އެ ކޮމިޝަނުގެ މެމްބަރުންގެ ތެރެއިން ރައީސާއި ނައިބު ރައީސަކު މަޖިލީހުގެ ރުހުމާ އެކު އައްޔަނުކުރައްވާނީ ރައީސުލްޖުމްހޫރިއްޔާ އެވެ.