ބޮޑު އީދު ބަންދަށް އިތުރު ދެ ދުވަސް

ހުނައިދާ ޔާސިރު

13 މެއި 2026 - 16:02

0 comments

ރައީސް އޮފީސް

މި މަހުގެ 24 އާއި 25 ވަނަ ދުވަހަކީ ވެސް ސަރުކާރު ބަންދު ދެ ދުވަސް ކަމަށް ސަރުކާރުން ނިންމައިފި އެވެ.

ރައީސް އޮފީހުން ބުނީ މިގޮތަށް ނިންމެވީ އީދު ބަންދާ ގުޅިގެން އާއިލާއާ އެކު ގިނަ ދުވަސް ހޭދަކުރުމަށް ފުރުސަތު ފަހިކޮށްދިނުމަށް، މެދުނުކެނޑޭ ގޮތަށް ބަންދު ދުވަސްތައް ހަމަޖައްސައިދިނުމަށް ކަމަށެވެ.

މިއާ އެކު މި މަހުގެ 22 ވާ ހުކުރު ދުވަހުން ފެށިގެން މި މަހުގެ 30އާ ހަމައަށް ސަރުކާރު ބަންދުވާނެ އެވެ.

ކަލަންޑަރުގައިވާ ގޮތުން އީދު ދުވަހަކީ މި މަހުގެ 27 ވާ ބުދަ ދުވަހެވެ. އީދު ބަންދަށް ފަހު ސަރުކާރު ހުޅުވޭނީ މި މަހުގެ 31 ވަނަ ދުވަހު އެވެ.

މި އަހަރުގެ ހައްޖު ދުވަހަކީ މި މަހުގެ 26 އެވެ. އީދަށް ވަނީ 27 ވަނަ ދުވަހުން ފެށިގެން 30 ގެ ނިޔަލަށެވެ.