ހުޅުމާލެ ހޮސްޕިޓަލުގައި އައުޓް ޕޭޝަންޓް ނާސިން ހިދުމަތް ފަށައިފި

އަބްދުﷲ މައުރޫފް

29 ޖޫން 2026 - 15:45

0 comments

ހުޅުމާލެ ހޮސްޕިޓަލުން އައުޓްޕޭޝަންޓް ނާސިންގެ ހިދުމަތް ތައާރަފުކޮށްފި އެވެ.

މި ހިދުމަތަކީ އާންމުކޮށް ބޭނުންވާ ނާސިންގެ ފަރުވާތައް ރައްޔިތުންނަށް ލުއިފަސޭހަ ކަމާއެކު އަވަހަށް ފޯރުކޮށްދިނުމުގެ ގޮތުން ހުޅުމާލެ ހޮސްޕިޓަލުގައި ތައާރަފްކުރެވުނު ހިދުމަތެކެވެ.

އެ ހިދުމަތް ފަށާފައި ވަނީ އެކަމަށް ހާއްސަކޮށްގެން އެ ހޮސްޕިޓަލުގައި ބޭއްވުނު ރަސްމިއްޔާތެއްގައި މާލެ ސިޓީ ގްރޫޕް އޮފް ހޮސްޕިޓަލްސްގެ ސީއީއޯ އިބްރާހިމް އަބްދުއްރައްޒާގް ހަލީމެވެ.

ހުޅުމާލޭ ހޮސްޕިޓަލުން ބުނީ އައުޓްޕޭޝަންޓް ނާސިން ހިދުމަގަކީ އާންމުކޮށް ބޭނުންވާ ނާސިންގެ ފަރުވާތައް ރައްޔިތުންނަށް ލުއި ފަސޭހަކަމާއެކު އަވަހަށް ފޯރުކޮށް ދިނުމަށްޓަކައި ތައާރަފުކުރި ހިދުމަތެއް ކަމަށެވެ.

އޭގެ ދަށުން ފޯރުކޮށް ދޭނެ ހިދުމަތްތަކަކީ:

* އިންޖެކްޝަން ޖަހައިދިނުން
*⁠ ބޭސް އަޅައިދިނުން
* ⁠އާވި އަރުވައި ދިނުން
* ⁠ބަނޑުގައިވާ ދަރިފުޅުގެ ވިންދު ބަލައިދިނުން
* ⁠ހަކުރުބަލައިދިނުން
* ލޭ ނެގުމާއި ލޭ ހަދިޔާކުރުމުގެ ހިދުމަތް

އައުޓް ޕޭޝެންޓް ނާސިން ޚިދުމަތް ދިނުމަށް ހަމަޖެހިފައިވަނީ ހެނދުނު 8:00 އިން ރޭގަނޑު 11:00 އަށް ކަމަށް އެ ހޮސްޕިޓަލުން ވަނީ ބުނެފަ އެވެ.