އައްޑޫގައި ހިތުގެ ފަރުވާގެ ކްލިނިކެއް

ހުނައިދާ ޔާސިރު

09 ޖުލައި 2026 - 12:23

0 comments

އައްޑޫގައި މީހަކަށް ހިތުގެ ފަރުވާދެނީ - ފޮޓޯ: އައިޖީއެމްއެޗް

އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) ގައި ކާޑިއަކް އިމްޕްލާންޓެބަލް އިލެކްޓްރޯނިކް ޑިވައިސް (ސީއައިއީޑީ) ފޮލޯއަޕް ކްލިނިކެއް ހުޅުވައިފި އެވެ.

އައިޖީއެމްއެޗުން ބުނީ އެ ކްލިނިކް އައްޑޫގައި ހުޅުވުމަކީ ހިތުގެ ފަރުވާގެ ހިދުމަތްތައް އެ ސަރަހައްދުގައި ފުޅާކުރުމަށް އެޅި މުހިއްމު ފިޔަވަޅެއް ކަމަށެވެ.

އައިޖީއެމްއެޗުން ބުނި ގޮތުގައި އެ ހިދުމަތްތަކުގެ ސަބަބުން ރާއްޖޭގެ ދެކުނުގެ ސަރަަހައްދުގެ ބަލިމީހުން ފަރުވާއަށް މާލެއަށް ދަތުރުކުރަންޖެހޭ ޖެހުން ނިމުމަކަށް އަންނާނެ އެވެ. އަދި ބަލި މީހުންގެ ބަލި ފަސޭހައިން ދެނެގަނެ، ފަރުވާގެ ކަންކަން އަވަސްކުރުމާއި ދިގު މުއްދަތެއްގައި ފޮލޯއަޕްގެ ކަންކަން ވެސް ކުރިއަށް ގެންދިއުމުގެ އިންތިޒާމު ފަސޭހަވާނެ ކަމަށް ބުންޏެވެ.

އައިޖީއެމްއެޗުން ބުނީ އެކަން ގުޅިފައި ވަނީ ގައުމީ ކާޑިއޯވަސްކިއުލާ ކެއާ ނެޓްވޯކެއް ތަރައްގީ ކުރުމަށް ހިއްސާކުރާ ވައުދާ ކަމަށެވެ.

އައްޑޫ ހޮސްޕިޓަލްގައި އަންނަނީ މި އަހަރުގެ ޖެނުއަރީ މަހުން ފެށިގެން ކެތު ލެބްގެ ހިދުމަތް ވެސް ދެމުންނެވެ. އެތަނުގެ ހިދުމަތް ދެމުން އަންނަނީ އައީއެމްއެޗާ ގުޅިގެންނެވެ.

އޭގެ ފަހުން މިހާތަނަށް އައްޑޫގައި ހިތުގެ ބަލިތަކާ ގުޅޭ ފަރުވާތައް އިތުރުކޮށް، ހިދުމަތްތައް އެއް ދުވަހުން އަނެއް ދުވަހަށް ހަރުދަނާ ކުރަމުންނެވެ.