ކޮޕް-17 ގެ ބައްދަލުވުމުގައި ބައިވެރިވުމަށް ރާއްޖެއިން ތައްޔާރުވެއްޖެ

ޔޫނުސް އިބްރާހިމް

21 އޮކްޓޫބަރ 2026 - 13:44

0 comments

އދ. ގެ ކޮންވެންޝަން އޮން ބަޔޮލޮޖިކަލް ޑައިވަރސިޓީ (ސީ.ބީ.ޑީ) ގެ 17 ވަނަ ކޮންފަރެންސް އޮފް ދަ ޕާޓީސް (ކޮޕް-17) ގައި ދިވެހިރާއްޖެ ތަމްސީލުކުރުމަށްޓަކައި ހާއްސަ ވަފުދެއް ބައިވެރިވާ ގޮތަށް ހަމަޖެހިއްޖެ އެވެ.

މި ސަމިޓް ބޭއްވުމަށް ތާވަލުކުރެވިފައިވަނީ މި މަހުގެ 19 އިން 31 އަށް، އަރމީނިއާގެ ޔެރެވާންގަ އެވެ.

މޫސުމީ ބަދަލުތަކާއި ތިމާވެއްޓާއި ހަކަތައާ ބެހޭ ވުޒާރާއިން ވިދާޅުވީ މި ބައްދަލުވުމުގައި ރާއްޖޭން ބައިވެރިވެވަޑައިގަންނަވާ ވަފުދުން، މަޝްވަރާތަކުގައި މައިގަނޑު ގޮތެއްގައި މަސައްކަތްކުރާނީ، ބައްދަލުވުމުން ނިންމާ ނިންމުންތަކުގައި ދިވެހިރާއްޖެއިން ދެކޭގޮތާއި، ތިމާވެށްޓާއި ދިރުންތަކުގެ ނަސްލުތައް ހިމާޔަތްކުރުމުގައި ރާއްޖެއިން އިސްކަންދޭ މުހިންމު ކަންކަން އެންމެ ފުރިހަމައަށް ހިމެނުމަށް ބާރުއެޅުމަށް ކަމަށެވެ.

ރާއްޖެ ފަދަ ނާޒުކު ތިމާވެއްޓެއް އޮންނަ ޖަޒީރާ ޤައުމަކަށް، ދުނިޔޭގެ ދިރުންތަކުގެ ސިންދަފާތު ރައްކާތެރިކުރުމަށް ބާއްވާ މި ބައްދަލުވުމަކީ ބައިނަލްއަޤްވާމީ ފެންވަރުގައި އަޑުއުފުލުމަށް ލިބޭ ވަރަށް މުހިންމު ފުރުޞަތެއްގެ ގޮތުގައި އެ ވުޒާރާއިން ދެކެއެވެ.