ބޮލީވުޑްގެ ބަތަލާ އުރްވަޝީ ރޮޓޭލާ ރާއްޖޭގައި ޗުއްޓީ ހޭދަކުރަމުން އަނެއްކާވެސް އަތުވެއްޖެއެވެ. އޭނާ ޗުއްޓީ ހޭދަކުރަނީ ކޮން ރިސޯޓެއްގައިކަން ހާމަކޮށްފައި ނުވިނަމަވެސް ރާއްޖޭގައި ޗުއްޓީ ހޭދަކުރާކަން ހާމަކޮށް އިންސްޓަގްރާމުގައި ކޮށްފައިވާ ޕޯސްޓެއްގައި އޭނާ ޓީއެމްއޭގެ ސީޕްލޭނެއްގެ ސިޑިމަތީގައި އިށީނދެގެން އިންނަ ފޮޓޯއެއް ވަނީ ޕޯސްޓުކޮށްފައެވެ. އުމުރުން 26 އަހަރުގެ އުރްވަޝީ ކުޅެފައިވާ ފިލްމުތަކުގެ ތެރޭގައި "ހޭޓް ސްޓޯރީ 4" އާއި "ގްރޭޓް ގްރޭންޑް މަސްތީ" އަދި "ސަނަމް ރޭ" އަދި މިދިޔަ އަހަރު ނުކުތް ކޮމެޑީ ފިލްމު "ޕާގަލްޕަންތީ" ހިމެނެއެވެ. ރީތިކަމާއި ހެދުން އަޅާ ގޮތުން ގިނަ ބައެއްގެ މެދުގައި މަގުބޫލު ތަރި، އުރްވަޝާ ވަނީ 2015 ވަނަ އަހަރުގެ މިސް ޔުނިވަރސް މުބާރާތުގައި އިންޑިއާ ތަމްސީލު ކޮށްފައެވެ.