ރައްޔިތުންގެ މަޖިލީހުގެ ގުރައިދޫ ދާއިރާގެ މެންބަރު އިބްރާހިމް ރިޒާ އަވަހާރަވެއްޖެ

އިސްމާއިލް ރިޒާ

23 ފެބުރުއަރީ 2023 - 00:41

0 comments

ކ. ގުރައިދޫ ދާއިރާގެ މެންބަރު އިބްރާހީމް ރިޒާ

ރައްޔިތުންގެ މަޖިލީހުގެ ގުރައިދޫ ދާއިރާގެ މެންބަރު އިބްރާހިމް ރިޒާ އަވަހާރަވެއްޖެއެވެ.

ރިޒާ މިރޭގެ ވަގުތެއްގައި އަވަހާރަވީ މެލޭޝިއާގައި ސިއްހީ ފަރުވާ ހޯއްދަވަމުން ގެންދަވަނިކޮށެވެ.

ގޮހޮރުގެ އާލާސްކަންފުޅަކަށް މެލޭޝިއާގައި ފަރުވާ ހޯއްދަވަނިކޮށް ރިޒާ އަވަހާރަވީ މިރޭގެ ވަގުތެއްގަ އެވެ.

ޕީޕީއެމްގެ މެންބަރެއް ކަމަށްވާ ރިޒާ ވަނީ 18 ވަނަ ރައްޔިތުންގެ މަޖިލީހުގެ މެންބަރުކަން ވެސް ކުރައްވައިފަ އެވެ.

އޭގެ އިތުރުން ކުރީގެ ރައީސް އަބްދުﷲ ޔާމީންގެ ސަރުކާރުގައި ޖުޑީޝަލް ސާވިސް ކޮމިޝަން (ޖޭއެސްސީ) ގައި ރައްޔިތުންގެ މަޖިލީހުގެ މެންބަރުންގެ ތެރެއިން ހޮވާ މެންބަރެއްގެ ގޮތުގައި ވެސް ހިމެނިވަޑައިގެންފަ އެވެ. ޖޭއެސްސީގައި އޭނާ ނައިބު ރައީސްކަން ކުރައްވާފައި ވާއިރު މަޖިލީހުގެ އެކި ކޮމިޓީތަކުގައި ވެސް މަސައްކަތް ކުރައްވާފައިވެ އެވެ.

ރިޒާއަކީ ކުޅަދާނަ ގާނޫނީ ވަކީލެކެވެ. ވަރަށް ގިނަ މައްސަލަތަކުގައި ކޯޓަށް ވަޑައިގެން ވަކާލާތު ކުރައްވާ ކާމިޔާބު ކުރައްވާފައިވެއެވެ.

ރިޒާއަކީ އިދިކޮޅު ޕީޕީއެމްގެ މެންބަރެކެވެ. ރިޒާ އަވަހާރަވުމާއި ގުޅިގެން އެ ދާއިރާގެ ބައި އިލެކްޝަން ބާއްވާނެ އެވެ. އެ އިންތިހާބު މާދަމާއިން ފެށިގެން 60 ދުވަހުގެ ތެރޭގައި ބާއްވަން ޖެހޭނެ އެވެ.