މަންތާ އެއާއިން ދ އަތޮޅުން ބެންގަލޫރަށް ދަތުރުތައް ފަށަނީ

އިސްމާއިލް ރިޒާ

30 ނޮވެމްބަރ 2023 - 16:29

0 comments

ދ. ކުޑަހުވަދޫ އެއާޕޯޓުން، އިންޑިއާގެ ބެންގަލޫރަށް ސީދާ ދަތުރުތައް ފަށަން މަންތާ އެއާލައިން ނިންމައިފިއެވެ.

މަންޓާ އިން މިގޮތަށް ސީދާ ދަތުރުތައް ފެށުމުން ދ. އަތޮޅުގެ ލަގްޒަރީ ރިސޯޓުތަކަށް އަންނަ ޓޫރިސްޓުންނަށް ވެލާނާ އިންޓަނޭޝަނަލް އެއާޕޯޓުގައި ޑޮމެސްޓިކް ފްލައިޓުތަކަށް މަޑުކޮށްގެން ތިބޭ ވަގުތު ސަލާމަތް ކުރެވޭނެ ކަމަށެވެ.

ދ. އަތޮޅުގައި ރާއްޖޭގެ އެންމެ ލަގްޒަރީ ރިސޯޓުތައް ކަމުގައިވާ ކަނޑިންމަ މޯލްޑިވްސް އާއި ނިޔާމަ ޕްރައިވެޓް އައިލެންޑާއި ސެއިންޓް ރެޖިސް މޯލްޑިވްސް އާއި ރިއު އާއި ބަގްލިއޯނީ އާއި އަންގްސާނާ ވެލާވަރާއި ސަން ސިޔާމް އިރު ވެލި ފަދަ ރިސޯޓުތައް ހިމެނެ އެވެ.

ރާއްޖޭގެ އެތެރޭގެ އުދުހުންތަކަށް ޚާއްސަކޮށްފައިވާ މަންތާ އެއާގެ އުދުހުންތައް ފެށީ 2019 ވަނަ އަހަރުގެ ފެބްރުއަރީ މަހުއެވެ. މިއީ އެ އެއާލައިންއިން ރާއްޖެއިން ބޭރު ގައުމަކަށް ސީދާ ދަތުރުތައް ފަށާ ފުރަތަމަަ ފަހަރެވެ.