ރައީސްގެ ކޮއްކޯފުޅު ގޮނޑި ކާމިޔާބު ކުރައްވައިފި

މަރިޔަމް އަނާ

21 އޭޕްރީލް 2024 - 19:52

0 comments

ރައީސް ޑރ. މުހައްމަދު މުއިއްޒުގެ ކޮއްކޯފުޅު ފާތިމަތު ސައުދާ ރައްޔިތުންގެ މަޖިލީހުގެ ނިލަންދޫ ދާއިރާގެ ގޮނޑި މިއަދު ކާމިޔާބުކުރައްވައިފި އެވެ. ނިލަންދޫ ދާއިރާއަށް ވާދަ ކުރެއްވީ ސައުދާގެ އިތުރުން އަހްމަދު ރަޝީދު އެވެ. އަހްމަދަކީ އަމިއްލަ ގޮތުން އިންތިހާބު ގައި ވާދަކުރި ކެންޑިޑޭޓެކެވެ.

ހުރިހާ ވޯޓް ފޮއްޓަކުން ބޮޑު ތަފާތަކުން ކުރި ހޯއްދެވީ ސައުދާ އެވެ. ފ. އަތޮޅު ތައުލީމީ މަރުކަޒުގައި ބެހެއްޓި ވޯޓުފޮށީގެ ނަތީޖާ ދައްކާ ގޮތުގައި، ސައުދާ އަށް ވަނީ 251 ވޯޓު ލިބިފަ އެވެ. އަހުމަދު ރަޝީދަށް ލިބުނީ 167 ވޯޓެވެ.

ނިލަންދޫ ދާއިރާގައި ހިމެނޭ ފ. ދަރަނބޫދުގައި ބެހެއްޓި ވޯޓު ފޮށިން ސައުދާ އަށް ލިބުނީ 193 ވޯޓެވެ. އަދި އަހުމަދު ރަޝީދަށް ލިބުނީ 53 ވޯޓެވެ. މިއީ އެންމެ ގިނައިން ވޯޓު ލައިފައިވާ ދެ ފޮއްޓެވެ. އެހެން ބައެއް ވޯޓު ފޮށިތަކުގެ ނަތީޖާ އަދި އާންމުކޮށް އިއުލާން ނުކުރިޔަސް، އޮބްޒާވަރުން ބުނަނީ ދެން ހުރި ވޯޓު ފޮށިތަކުން ސައުދާ އަށް ސާފު އަގުލަބިއްޔަތެއް ލިބިފައިވާ ކަމަށެވެ.

ނިލަންދޫ ދާއިރާގައި ވޯޓު ދިނުމުގެ ހައްގު ލިބިފައިވާ 1950 މީހުން ތިބެ އެވެ. އެ ދާއިރާ އަށް 72 ވޯޓު ފޮށި ބަހައްޓާފައި ވެ އެވެ.