މާލޭ މާލެ ދެކުނު ފަރާތު ފަޅުތެރެ ސާފުކޮށްފި

އިސްމާއިލް ރިޒާ

08 ޖޫން 2024 - 19:45

0 comments

މާލެ ސިޓީ ކައުންސިލުން އިސްނަގައިގެން މާލެ ދެކުނު ފަރާތު ފަޅު ސާފުކުރުން

ދުނިޔޭގެ ކަނޑުތަކުގެ ދުވަސް ފާހަގަ ކުރުމުގެ ގޮތުން މާލެ ސިޓީ ކައުންސިލުން އިސް ނަގައިގެން ފިޝަރީޒް މިނިސްޓްރީއާއި ވެމްކޯ ގުޅިގެން މާލެ ފަޅުތެރެ މިއަދު ސާފުކޮށްފި އެވެ.

މިއަދު ހެނދުނު ކުރިޔަށް ގެންދިޔަ މި ހަރަކާތުގައި މާލޭ ދެކުނުފަރާތުގެ ފަޅުތެރެ ސާފުކުރިއިރު، ފިޝަރީޒް މިނިސްޓަރު އަޙުމަދު ޝިޔާމާއި، މާލެ ސިޓީ ކައުންސިލްގެ މޭޔަރު އާދަމް އާޒިމްގެ އިތުރުން، ވެމްކޯގެ އިސްވެރިންނާއި މުވައްޒަފުން ވެސް އަމަލީ ގޮތުން ބައިވެރިވިއެވެ.

މި ހަރަކާތުގައި މިނިސްޓަރު ޝިޔާމް ވަނީ ރާއްޖޭގެ ކަނޑުފަޅުތައް ސާފުކޮށް ބެހެއްޓުމުގެ މުހިންމުކަން ފާހަގަ ކުރައްވާ، ފަރުދީގޮތުން އެންމެން ގުޅިގެން މޫދަށް ކުނިއެޅުން ނިމުމަކަށް ގެންނަށް އިލްތިމާސް ކުރައްވާފަ އެވެ.

ކަނޑުގެ ދުވަސް ފާހަގަކުރުމަށް ރާއްޖޭގެ އެކި ސަރަހައްދުގައި މިއަދު އަންނަނީ އެކި ހަރަކާތްތައް ހިންގަމުންނެވެ.

އިއްޔެ ފިޝަރީޒް މިނިސްޓްރީން ވަނީ ކަނޑުގެ ދުވަސް ފާހަގަ ކުރުމަށް 29 ޓީމުން 300 އަށްވުރެ ގިނަ މީހުން ވަނީ ބައިވެރިވެފަ އެވެ.

ދުނިޔޭގެ ކަނޑުތަކުގެ ދުވަހުގެ ގޮތުގައި ފާހަގަކުރަނީ ކޮންމެ އަހަރެއްގެ ޖޫން މަހުގެ އަށްވަނަ ދުވަހެވެ.

މިއަހަރުގެ ދުނިޔޭގެ ކަނޑުތަކުގެ ދުވަހަށް ކަނޑައަޅާފައިވާ ތީމަކީ "ކަނޑުތަކާއި މޫސުމަށް ހެޔޮ ބަދަލު ގެނައުމުގެ މަސައްކަތް ހަލުވިކުރުން" މިއެވެ.